KANNING: Hvat lið vónar tú KÍ møtir í Champions League?
Eftir sigurin á EB/Steymur í gjár, er KÍ farin í landsliðssteðg. Higartil hevur KÍ vunnið allar sínar dystir í í ár, undantikið javnleikinum á Víkingi.
í summar skal KÍ seta hol á europeiska ævintýrið, sum seinastu árini hevur verið sera spennandi. Einki undantak er hesaferð, og í løtuni eru 15 møgulig lið, ið KÍ kann møta í fyrsta dystinum í Champions League.
Fyri kortum gjørdi ítróttarskrivarin hjá Norðlýsið hesa metingina:
Á pappírinum er stórur munur á styrki og tí kemur lutakastið at fáa stóran týdning fyri KÍ, um møguleikar skulu verða at spæla seg í 2. umfar. Hóast tað ikki er nøkur lóg ella regla sum sigur tað, so hevur praksis verið, at londini longst burtur ikki trekkja føroysk og íslendsk lið. Men KÍ kann møta sterkum liðum sum Malmø (Svøríki) og Bodø/Glimt (Noreg). Hinvegin eru eisini lið sum The New Saints (Wales), Zalgiris (Litava) og Shamrock Rovers (Írland). Sí øll 15 liðini, sum eru styrkismett, niðanfyri.
Niðanfyri spyrja vit hvat lið tú ynskir KÍ skal møta í fyrsta dystinum. (Eisini ber til at síggja hvussu liðini eru styrkismett í myndini niðast undir greinini.)