Undan dystinum liggur KÍ greitt á odda í Betri Deildini, meðan b36 liggur á 4. plássi, 15 stig aftanfyri KÍ.

B36 hevur í vikuni sagt farvæl við Uros Stojanov, meðan Hannes Agnarsson er komin til, men ikki fyrr enn í juli. Hann verður sostatt ikki við í dag. Magnus H. Jacobsen hevur leikbann, meðan Andrass Johansen er ivasamur vegna skaða.

Hjá KÍ eru Jonn Johannessen og Dmytro Lytvyn skaddir. Hinvegin er Claes Kronberg nú ordiliga frískur aftur. Anders Holvad er í vikuni komin til felagið, og møguleiki er fyri, at hann fær spælitíð longu í dag. Hjá KÍ er stórt ivamál um toppskjúttan Páll A. Klettskarð, sum hevur ein skaða at dragast við. Hann fór út í hálvleikinum móti Víkingi í venjingardystinum í landsliðssteðginum.

Dysturin í Gundadali byrjar kl. 15.00. Dómari verður Petur Reinert.