Í lýsingini verður m.a. sagt: ”Mentanarhúsið, Varpið í Klaksvík er nú komið so langt áleiðis, at tørvur er dagligum leiðara. Tú skal skipa eitt marglitt mentanarlív og fólksliga mentan í breiðari merking. Eitt mentanarlív, ið so nógv sum gjørligt kunnu kenna seg aftur og heima í.

Talan er um eitt spennandi starv, har tú fært møguleikan at royna títt hugflog og fært stóra ávirkan á, hvussu húsið fer at ríka og fjølbroyta virksemið og annars seta dám á býarmyndina í Klaksvík, Norðoyggjum og grannalagnum annars.

Tú hevur tilvísing til grunnin Mentanarhús í Klaksvík, ert ovasti leiðari av mentanarhúsinum og hevur yvirskipaðu ábyrgdina av starvsfólkunum og menningini av mentanarligum tilboðum í húsinum”.

Umsóknir við prógvum, c.v. og øðrum viðkomandi skjølum skulu sendast við telduposti til: starv@varpid.fo.   

Freistin fyri at senda umsóknir er ásett til í seinasta lagi mánadagin 8. juli 2022 kl. 12:00.

Meira kunning um starvið er eisini til heimasíðuna hjá mentanarhúsinum: www.varpid.fo