Lýsing
Lýsing
Lýsing

Strevið í frígeringin

SKRIVAÐ: John S. Myllhamar  |  10.07.2022 - 11:06 Lesarabrøv Mentan

 

 


Kollvelting mikil um landið er farin,

mørk eru strikað, og rivin er varðin.

Fjøldin sær skundar í allar ættir,

gremur seg, etur mest útlendskar rættir.

 


Frøðiligstovan hon varsla í øði:

Føroyskur matur er skaðilig føði!

Et bert spagetti og fastfood og skrúvur,

so gerst tú stórur og sterkur og prúður.

 


Áður var trappa ein óslættur steinur,

av dagligum fetum slípaður reinur;

nú glitrandi flísar í túninum skína,

sjálvt djarvastu gestir tær piprandi trína.

 


Í forum var motta ein posakloddi,

sum føturnir mangir dagliga troddu.

Nú snjóhvít motta av garvaðum skinni

í durunum liggur, og eingin er inni.

 


Niðri á trænum møtist nú fáur,

bert onkrum oldingi, rukkutur, gráur.

Fjøld situr negld framman iPhone og teldu,

hetta er vorðið til søtastu keldu.

 


Hugna og heimið og óvitan gloyma,

inn í ein fjarðan heim tey seg droyma.

Gogar á stovnum upp børnini ala,

hegnaði inni, í garðinum mæla.

 


Ikki var farlig úti at spæla,

niðri við strondina piltur sást mæla.

Tá ið tað skýmdi til húsa sást leita,

troyttur hann sovnar á leguni heitu

 


Áður var piltur ei girdur inni,

rann heim til mammu, tá tár vætti kinni.

Leikvøllur víður um var at fara,

røkk heilt av tindi og oman í tara.

 


Dýggjvátar hosur og kolskitnar skógvar,

hálvvátar brøkur og dálkaðar lógvar,

børn ikki longur sleppa at vera,

sunnudagsklæðir hvønn yrkadag bera.

 


Skjótt rennur tíðin og børn eru flogin,

úr hvørjum virði var lívsmegin sogin?

Minnast tey aftur á smáttu og blómu,

ella á borgina fínu, men tómu?

 



Lýsing
Seinastu tíðindini
Burðardygg føroysk framleiðsla - minni C…
Morgunsangur mikumorgunin í Christianski…
Klaksvíkar sløkkilið fingið nýggjan stig…
Spæl í alskyns útgávum
KÍ tekur frástøðu frá atburði­num hjá høv…
Enn bara snakk hjá samgonguni
Hvat er ein góður miðbýur?
Eldrahugni í Betesda
Hvussu hevur tín grái posi tað?
Toskakvotan á Flemish Kap hækkar 50 pros…
Grótverjan í Oyrunum og nýggj íbúðarbygg…
Óli Breckmann livir framvegis í oljuøldi…
Mjølnir vann stórsteypadystin
Fjallgonga fyrr og nú
Tunnilstankar – eina ferð afturat
Elsti kontórbygn­ingur í Føroyum, letur d…
Bjálvingin um at ríva seg leysa
Desperatur fólkatings­maður
Ódnin hevur bert havt smáskaðar við sær
Novo Nordisk Fonden játtar 123 mió. kr.…