Talan gjørdist um ein dramatiskan dyst á Tórsvøll. KÍ kom á odda 1-0 við máli frá Mads B. Mikkelsen eftir hornasparksinnlegg frá Árna Frederiksberg. Men Ballkani javnaði við langskoti í 83. minutti. Men í 89. minutti skoraði Patrick Da Silva og so skuldi longd leiktíð til. Í henni hendi ikki tað stóra uttan, at nógvir leikarar á báðum liðum vóru púra ferdigir og lógu við krampum ella skaðum.

Tað skuldi sostatt brotssparkskapping til. Hjá KÍ brendu Anders Holvad og Jóannes K. Danielsen, meðan bara ein hjá Ballkani brendi.

Sostatt tapti KÍ og er úti av ársins Evropafótbólti. Annað árið á rað bleiv liðið útsligið á heimavølli í seinna dystinum í antin longdari leiktíð ella brotssparkskapping. Og eins og í fjør, so var KÍ tað liðið, sum skapti fleiri málmøguleikar, men báðar ferðir kendu teir bláu ikki sína vitjunartíð.