Lýsing
Lýsing
Lýsing

Børnini í Vestmanna skúla hava uppiborið betri

SKRIVAÐ: Ingilín D. Strøm, løgtingskvinna  |  16.08.2022 - 22:19 Politikkur Tíðindaskriv

Landsins myndugleikar skylda starvsfólkunum og ikki minst øllum næmingunum og foreldrum at fáa skil á viðurskiftini í Vestmanna skúla.

 

Málið byrjaði við, at Jenis av Rana noktaði at fylgja eini samdari setanarnevnd. Hann setti ikki best skikkaða umsøkjaran í starv. Og grundgevingarnar vóru ikki nóg góðar fyri at lata vera. Tað hevur Løgtingsins Umboðsmaður staðfest í eini álvarsamari átalu herfyri.

Men Jenis av Rana skrivar í dag, at tað er ikki altíð, at setanarnevndin raðfestir øll viðurskifti á sama hátt sum landsstýrismaðurin.

Vit mugu tíverri ásanna, at landsstýrismaðurin virðir als ikki átaluna, hann hevur fingið frá Løgtingsins Umboðsmanni og heldur eftir øllum at døma, at hann kann skúgva rættarsamfelagið til viks. Hann heldur ikki, at tað er neyðugt hjá honum at brúka sakligar grundgevingar. Tað líkist ongum.

Úrslitið av tí er púra greitt. Undan summarfrítíðini sendu 18 av 26 starvsfólkum í Vestmanna skúla kæru til Mentamálaráðið um arbeiðslagið hjá skúlastjóranum. Men hvat? Nú tykist loysnin at vera at senda varaskúlastjóran til hús.

Landsstýrið eigur trupulleikan. Fult og heilt. Og tað er Jenis av Rana og landsstýrið við løgmanni á odda, sum skal loysa hann. Løgmaður hevur evstu ábyrgd av setanarpolitikkinum hjá landinum. Hann bleiv ikki fylgdur, og tí byrjaði óskilið.

Summarfrítíðin er nú av, og nógv spent børn kring landið gleða seg at koma í skúla aftur. Men kenslan er neyvan tann sama í Vestmanna, tí óskilið heldur bara fram.  

Landsstýrið kann ikki bjóða børnunum, foreldrunum og starvsfólkunum í Vestmanna skúla hesa viðferðina.  

 

Lýsing
Seinastu tíðindini
Team Klaksvík fær vitjan av KÍF
Vit elska Klaksvík og KÍ
Stjørnan og EB sunnudagin kl. 13.30
Verður tað í morgin, at KÍ endur­vinnur F…
Nýggjur Gadus birtir vón
Frits væl fagnaður í Gallarí Havnará
ES-innflutn­ingur av russiskum flótandi n…
Umboð fyri Nes kommunu vitjaðu dagstovna…
Nýggjar kloakkir á Eiðinum
Russland og Ukraina samstarva um, at hal…
Bretar handla við Russland i milliardakl…
Hvar blivu lyftini um lættar og yvirskot…
Samstarvið við ES eigur at styrkjast
Fíggjar­lógin avspeglar máttloys hjá samg…
- Hetta veit vist nokk líka nógv um búsk…
Nordea-grunnurin vil stuðla við 100 mió.…
Býráðsminnilutin givið Anniku nevndarses…
Heimskendu Orphei Drängar vitja Varpið
Fíggjar­lógin 64 milliónir í halli
Leitar eftir upplýsingum um flatmaðk