Lýsing
Lýsing
Fyrr í ár fekk H-bygningurin 67 milliónir til parkeringskjallara, goymslu og reingerð. Men sum ógoldnu rokningarnar hópa seg upp, kann gerast neyðugt við enn meira pengum. | Mynd: Savnsmynd.

Hví rulla høvd ongantíð?

SKRIVAÐ: Jóhann Lützen  |  30.08.2022 - 21:19 Leiðarin Politikkur

H-bygningurin á Landssjúkrahúsinum heldur ótarnaður fram á somu kós, har tragikomedian Glasir slepti. Eitt botnleyst hol við sera ivasamari stýring, løgnum arbeiðsboðum og rokningum, sum bara hópa seg upp. Og ongin hevur ábyrgdina.

Í Degi og viku í kvøld fingu vit so eina nýggja sesong av raðsendingini um H-bygningin. Og tað var ikki tespiligt, ið kom fram. Inventartænastan sigur Landsverk skylda sær pengar. MT Højgaard siga tað sama og søgdu fyrr í vikuni, at teir rýma av landinum, tí teir ikki longur vilja vera her, m.a. tí at Landsverk ikki hevur rindað sínar rokningar. Og her tosa vit um rokningar, sum fullu til gjaldingar fyri yvir einum ári síðani.

Grellastu søguna eigur Húsavarðartænastan, ið sigur frá, at hon hevur fingið boð um at seta somu plátur upp undir loftið fleiri ferðir. Teir hava aktað, men hava ikki fingið øll millumverandi við Landsverk goldin enn, og eisini her er talan um rokningar, ið fullu til gjaldingar fyri meira enn einum ári síðani. Tilsamans hevur Landsverk ikki goldið rokningar fyri 20 milliónir.

Nú skulu vit ikki klóka okkum uppá, hvørjar rokningar eru ógoldnar av røttum og hvørjar av órøttum, men tað er ótrúliga løgið at eygleiða, at risa-byggigølur í hundraðmilliónaklassanum kunnu útspæla seg beint framman fyri eygunum á okkum, uttan at nakar grípur inn og steðgar sirkusinum. Tvørturímóti hendir tað øvuta – landsstýrisfólkið á økinum fer í tingið og biður um eykajáttan, og sirkusið fær harvið pengar til at halda fram.

Lýsing
Seinastu tíðindini
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Requiem skírisdag í Varpinum
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald
Vit hoyrdu einki aftur frá samgonguni