Lýsing
Lýsing
Lýsing

Kjølbro-messa á Spinnarínum

SKRIVAÐ: Jóhann Lützen  |  26.09.2022 - 11:00 Myndarøð Tíðindi Vinna

Kjølbro Heilsøla helt herfyri eina matvørumessu í gamla Spinnarínum fyri sínum viðskiftafólkum. Útlendskir kundar vórðu bodnir til Føroya at síggja vørurnar, ið Heilsølan vísti fram, og tað eru bæði stórkøkar, handlar, smærri køkar og fitt av skipsreiðaríum, ið hava talst millum kundarnar, ið hava tikið av og vitjað messuna. Nógv fólk vóru á gátt.

 

(grein úr blaðnum)

 

Kjølbro Heilsøla er í dag ein sunn fyritøka, sum tað gongur væl hjá, sigur ein av Hans Arni Thomsen, stjóri í Kjølbro Heilsølu, og eitt tílíkt tiltak skapar eisini eitt sindur av lívi kring fyritøkuna. Viðskiftafólkini síggja, at talan er um eina virkna fyritøku, ið spennir rættiliga víða.

Hetta er fyrstu ferð, at Kjølbro Heilsøla skipar fyri eini messu í so stórari stødd, sigur Steffan Rosenlund, innkeypsleiðari hjá Kjølbro Heilsølu. Teir hava áður boðið kundum og veitarum at vitja, men tá hevur tað verið í minni formati, einir 4-5 í senn. Steffan sigur, at millum vørurnar, tey hava sýnt fram, eru nógvar ymiskar kjøtvørur og nógvar ymiskar eplavørur, ið føroyingar dáma serliga væl. 

Talan er um eina sonevnda B2B-messu ella business to business-messu, har fyritøkur vitja aðrar fyritøkur. Tilsamans 12 fyritøkur hava vitjað, tær flestu úr Danmark. Umframt tær donsku er eisini ein fyritøka úr Noregi, ein úr Íslandi og ein úr Bretlandi. Talan er í flestu førum um gomul viðskiftafólk, men nýggj eru eisini ímillum. Steffan metir, at umleið eini 200 viðskiftafólk hava vitjað á messuni, og tað má sigast at vera ein heilt góð uppmøting. 

Matvørumessan hjá Kjølbro Heilsølu ella Kjølbro-messan, sum hon eisini verður kallað, snúði seg burturav um innfluttar vørur til Føroya, men onkrir føroyskir leverandørar eru bodnir við eisini, so føroysk framleiðsla var eisini við. At enda í samrøðuni varð komið inn á karmarnar, t.e. leiklutin hjá Spinnarínum sum messu-høli. 

- “Tað riggar ordiliga væl at hava eitt rustikt høli til eitt tílíkt endamál, og Spinnaríið er so mikið rúmligt, at tað var nøktandi bara at brúka aðra hæddina”, sigur Steffan. 

Lýsing
Seinastu tíðindini
Sum smádrongur ræddist eg doktarabátin
Tvær kirkjur í Klaksvík
KÍ tapti í Gundadali
Hesir fiskaðu fyri mest í 5A í 2022
Myndarøð: KÍ kvinnur­nar vunnu stórt á 07…
Heim eftir Garðaveg­num í minninum
Verjir psykiatri­lógin veruliga?
Lea 34.31 og føroyskt met í 50 bringu
Eykaaðalfundur hjá Norðoya Bjargingarfel…
KÍ vitjar HB í morgin
Løgmaður Føroya og Ísrael
GLS 2023 - íblástur til leiðarar!
Býráðið vil tryggja gjaldførið
Veðrið um vikuskiftið
Fyrra steypakapping í estetiskum fimleik…
Poddvarp um sorg: Til tey, ið hava mist…
Holocaust minningarhald í Kelduni
Falkenberg sett upp á pláss – Javnaðarfl…
Magne Hoseth fer undir Pro-venjaraútbúgv…
Søgulig mynd um ikki so gomul