Lýsing
Lýsing
Lýsing
Mynd: Undirritaði

Veðrið um vikuskiftið

SKRIVAÐ: Hanus Kjølbro  |  12.11.2022 - 09:15 Tíðindi Veðrið

Gott veður í morgun, 3 til 8 m/s av útsynningi. Turt og klárt so at siga kring alt landið.

Veðurfrøðiliga orsøkin er, at Føroyar liggja undir einum hátrýstryggi, og tá er vanliga gott veður. Luftin, sum kemur til okkara, stavar frá vestara parti av Miðjarðarhavi. Heilt har suðuri er luftin heit, um 21 stig í morgun, og eitt sindur slavin, um 80%.

Á vegnum norðureftir ímóti Føroyum kølnar hon, og vætuinnihaldið veksur. Vestan fyri Skotland rennur heita luftin seg í ta køldu luftina, sum er komin av Norðpólinum. Har hesar luftnøgdir møtast,  regnar í einum stórum øki. Hitabrúgv.

Á ferðini longur norður er luftin minni slavin. Her í Føroyum er hitin í luftini um 9 stig, og vætuinnihaldið um 80%. Tí er klárt í erva, bert nakrir bøklar oman fyri fjøll.

Annars er forsøgnin fyri restina av degnum hon, at ættin fer seint fyrrapartin at lækka niður í sunnan, og seinnapartin ganga upp í landsynning, meðan vindur spakuliga fer at minka niður um 5 m/s.

Turt og klárt fyri tað mesta – tó eru ættirnar kring sunnan mjørkaættir í fleiri støðum.

Regnumráðið vestan fyri Skotland rekur spakuliga norðureftir, og restirnar av tí eru væntandi yvir okkum umleið á midnátt. Tað liggur ikki leingi – fer at regna eitt sindur í 1-2 tímar.

Í morgin fer hann at liggja av landsynningi, vindferðin um 3 til 8 m/s. Turt fyri tað mesta og klárt.

 

Lýsing
Seinastu tíðindini
Valevnini vitjaðu Norðlýsið
Bil á valstaðið
Borgar­stjó­rin stúrin fyri hvat hendir af…
Góðu Fólka­floksveljarar
FYRST VÁGUR, NÚ FØROYAR
Kaféirnar væl vitjaðar
Góði veljari
Íbúðaveiting
Eftirløn – nýbrot.
Skúlin er ikki fyri øll!
Slagið stendur í morgin
GOTT VAL 
Arbeiðsmarknaðarmál skulu á skrá
Menniskjalív við lív í
Tey 10 politisku boðini
Rossini á Skoradali
Robottur ella røktari
EINFALDA MÁLIÐ UM GONGD Í HAGA
GOTT VAL
Fosturtøka og reingjað tøl