Eitt lágtrýst nærkast Føroyum vestaneftir. Vit fara at merkja tað út á fyrrapartin í morgin. Tá fer ættin at lækka niður í sunnan eitt bil, og eitt brúgvalag við regni leggur seg yvir okkum. Tað fer at hanga yvir okkum mestsum allan leygardagin og sunnudagin.

Taka vit tað meira ítøkiligt, so er vindferðin 8 til 13 m/s av landsynningi, skýggjað og regn í støðum. Út á seinnapartin verður klárari í veðrinum og yvirhøvur turrari. Í kvøld bert einstakir ælingar. Hitin í dag er um 8-9 stig.

Í nátt fer vindurin at veksa upp í 10 til 15 m/s av suðuri og so aftur av landsynningi. Tað verður aftur skýggjað, og út ímóti morgni fer at regna. Ikki nógv broyting í veðrinum restina av leygardegnum ella sunnudegnum.

Hitalagið leygardagin fer at liggja um 8 til 10 stig; sunnudagin eitt lítið sindur kaldari, um 7 til 9 stig.

Skjótt at skriva um veðrið til hetta vikuskiftið. Landsynningur so at siga næstan alla tíðina, og so fyri ein stóran part skýggjað og regn. Eisini hitalagið er støðugt.

Gott (og vátt) vikuskifti.