Lýsing
Lýsing
Lýsing

Fólkaskúlin - neyðugar broytingar!

SKRIVAÐ: Magnus Rasmussen  |  24.11.2022 - 23:35 Politikkur Tíðindaskriv

Fólkaskúlin er ein av grundsúlunum undir samfelagnum.

 

Vit hava ein góðan fólkaskúla

Hóast so er, so mugu vit ásanna, at fólkaskúlin hevur nakrar avbjóðingar, men tær eru til at loysa.

 

Eg vil heilt stutt nevna tríggjar tættir í fólkaskúlanum, sum eg vil halda eru neyðugir at fáa loyst skjótast tilber.

 

Eg vil virka fyri at fáa loysn á hesum, verður álit víst mær á løgtingsvalinum 8. desember.

 

Skúlaflokkurin

Vit eiga at virka fyri, at næmingatalið í hvørjum flokki gerst lægri enn tað er í dag. Nógvir flokkar hava í dag uml. 25 næmingar, og tað er eftir mínum tykki ov høgt næmingatal og eigur at lækka nakað.

 

Nøkur meina, at vit í staðin fyri at lækka næmingatalið í flokkunum heldur eiga at hava tvílæraraskipan. Í ávísum førum er tað nokk ein góð loysn, men tað sum umræður er, at næmingarnir fáa sum mest burturúr undirvísingini og at trivnaðurin í flokkinum er góður.

 

Tímatalið

Tímatalið hjá næmingunum er ov høgt. Gongdin seinnu árini hevur verið, at fleiri og fleiri tímar eru komnir á tímatalvuna. Tað er komið at mørkum, og tí eiga vit at lækka tímatalið. Samstundis sum tímatalið hjá næmingunum verður lækkað, so eiga hesir tímarnir at verða brúktir á skúlanum til aðrar uppgávur -  næmingunum at gagni.

 

Starvsfólk skúlans

Seinnu árini er tann umsitingarligi parturin hjá lærarunum nógv øktur. Skrivi- og skrásetingararbeiðið tekur meiri og meiri tíð, og tað ber við sær, at minni tíð og orka verður til undirvísing. Hetta er við til at troytta lærarar og við til, at lærarar missa arbeiðsgleðina, og tað er álvarsamt, tí tá gongur tað út yvir innlæringina og trivnaðin hjá næmingunum.

 

Minkað eigur at verða um tann umsitingarliga partin hjá lærarunum. Minni byrokrati, og tað vil geva meiri tíð og orku til undirvísing - øllum at gagni!

 

Ein atkvøða til Sambandsflokkin - hon fer væl!

 

Magnus Rasmussen

valevni hjá Sambandsflokkinum til løgtingsvalið

 

Lýsing
Seinastu tíðindini
Ragnar og Liz verða við á møtinum í Bete…
Sum smádrongur ræddist eg doktarabátin
Tvær kirkjur í Klaksvík
KÍ tapti í Gundadali
Hesir fiskaðu fyri mest í 5A í 2022
Myndarøð: KÍ kvinnur­nar vunnu stórt á 07…
Heim eftir Garðaveg­num í minninum
Verjir psykiatri­lógin veruliga?
Lea 34.31 og føroyskt met í 50 bringu
Eykaaðalfundur hjá Norðoya Bjargingarfel…
KÍ vitjar HB í morgin
Løgmaður Føroya og Ísrael
GLS 2023 - íblástur til leiðarar!
Býráðið vil tryggja gjaldførið
Veðrið um vikuskiftið
Fyrra steypakapping í estetiskum fimleik…
Poddvarp um sorg: Til tey, ið hava mist…
Holocaust minningarhald í Kelduni
Falkenberg sett upp á pláss – Javnaðarfl…
Magne Hoseth fer undir Pro-venjaraútbúgv…