VALFUNDUR UM FÓLKASKÚLAN Í AULUNI Á NÁMSVÍSINDADEILDINI HÓSDAGIN 1. DESEMBUR KL. 15.15
Fólkaskúlin er grundin undir vælferðarsamfelagnum. Tað halda vit undirritaðu, sum hósdagin 1. desembur kl. 15.15 - 17.00 skipa fyri valfundi um fólkaskúlan í auluni á Námsvísindadeildini, har almenningurin og umboð fyri allar politisku flokkarnar eru boðin við.
VALFUNDUR UM FÓLKASKÚLAN Í AULUNI Á NÁMSVÍSINDADEILDINI HÓSDAGIN 1. DESEMBUR KL. 15.15
Fólkaskúlin er grundin undir vælferðarsamfelagnum. Tað halda vit undirritaðu, sum hósdagin 1. desembur kl. 15.15 - 17.00 skipa fyri valfundi um fólkaskúlan í auluni á Námsvísindadeildini, har almenningurin og umboð fyri allar politisku flokkarnar eru boðin við.
Skúli, útbúgving og vitan eru týdningarmikil evni at taka fram í valstríðnum. Tí ynskja vit kjak um fólkaskúlan, og tey viðurskifti hann virkar undir.
Vit geva valevnum ein pall til júst at seta fólkaskúlan á skrá. Ongir tunlar, loysing ella samband, bara fólkaskúlin.
Læraraútbúgvingin hevur meir enn 150 ár á baki, Lærarafelagið er næstelsta fakfelag í landinum, og í 2006 fingu vit Heim og Skúla, tí kunnu vit í dag ditta okkum at spyrja:
- er fólkaskúlin vorðin eitt prosjekt hjá seráhugamálum í dagsins samfelag, ella um skúlin er trygdin fyri dannilsi, fólkaræði, samhaldsfesti og samfelagsmenning í komandi tíðum?
Hevur tú hug at hoyra, hvat valevnini hugsa um fólkaskúlan? Ella kanska hevur tú spurningar til valevnini? Jamen, so er at koma í auluna á Námsvísindadeildini hósdagin 1. desembur klokkan 15.15.
Birgir Kruse er orðstýrari.
Tiltakið verður stroymt.
Føroya Lærarafelag Námsvísindadeildin Heim & Skúli