Veðrið í vikuni
Hesa vikuna fer veðrið at vera eitt bland av ymiskum. Tað vera skiftandi ættir, men tó mest útsynningur. Løtur vera við kaldari høgætt, men tær vera ikki liggjandi.
Tá ið tað kemur til vind, so er ikki nógvur vindur í dag, men nakað meiri í morgin. So minkar aftur, og hósdagin er bert eitt lot úr ymsum ættum. Fríggjadagin er aftur nakað av vindi.
Løturnar við avfalli fara eisini at vera skiftandi. Dagurin við mesta regnnnum er í dag; hinar dagar fara at vera løtur við regni. Fríggjadagin kann fara at vera vátakavi uppí.
Veðrið í vikuni – dag fyri dag:
Mánadag: Norðanfyri sunnan, lot til frískt lot, 3 til 8 m/s, skýggjað og regn. Sunnanfyri frískur vindur upp í ein strúk, 8 til 13 m/s, skýggjað og regn. Út á fyrrapartin gongur ættin upp í útsynning. Seinnapartin hækkar hann upp í norðan og minkar vindin niður í eitt lítið lot, undir 5 m/s, tað slítur í og verður eitt sindur klárari. Í kvøld er eitt lítið lot úr ymsum ættum, undir 5 m/s, skýggjað og fyri tað mesta turt. Í nátt lot til frískt lot, av landsynningi, 3 til 8 m/s, skýggjað og regn. Í morgin ári veksandi vindur av útsynningi upp í frískan vind til hvassan vind, 10 til 15 m/s, skýggjað og ælaveður.
Hitin í dag fer at liggja millum 5 og 9 stig.
Týsdag: Útsynningur, 8 til 13 m/s, skýggjað og regn. Út á fyrrapartin veksur vindurin upp í 10 til 15 m/s, skýggjað og fyri tað mesta turt. Um kvøldið útsynningur, 8 til 13 m/s, smáskýggjað og regn. Um náttina vestan 8 til 13 m/s, smáskýggjað og ælaveður.
Hitin týsdagin millum 7 og 9 hitastig.
Mikudag: Vestan, 8 til 13 m/s, skiftandi skýloft og ælaveður. Út á fyrradagin hækkar hann upp í norðan, enn 8 til 13 m/s, skýggjað og ælaveður. Seinnapartin og um kvøldið norðan, 5 til 10 m/s, skýggjað og ælaveður. Um náttina melur úr ymsum ættum, minni enn 5 m/s,
Hitin mikudagin millum 3 og 6 stig. Um náttina niður í frostmarkið.
Hósdag: Útsynningur, 3 til 8 m/s, klárt og fyri tað mesta turt. Seinnapartin 5 til 10 m/s, klárt og og fyri tað mesta turt. Um kvøldið dregur á luftina, tað verður skýggjað og okkurt ælið.
Hitin hósdagin fer at liggja millum 3 og 7 stig.
Fríggjadag: Útsynningur, 10 til 15 m/s, skýggjað og regn. Seinnapartin veksandi vindur av vestri upp í 15 til 20 m/s, skiftandi skýloft og ælaveður við regni og vátakava.
Hiti fríggjadagin millum 4 og 7 stig. Um kvøldið og náttin niður ímóti frostmarkinum.