Kvinnurnar hjá Stjørnuni gjørdu sína skyldu í dystinum á útvølli ímóti VB í dag. Dysturin, sum ikki var serliga væl leiktur, endaði við einum 24-20 sigri til Stjørnuna. Hálvleiksstøðan var 8-14 til Stjørnuna.                   

Við sigrinum er Stjørnan framvegis á fjóðra plássi, men munurin millum nummar tvey og nummar fýra er bert fýra stig. H71 er greitt oddalið við 31 stigum, Kyndil er á øðrum plássi við 24 stigum, Neistin hevur 22 stig og Stjørnan á fjóðar plássi hevur 20 stig. Á fimta plássi er VÍF við 18 stigum.                                               

Komandi sunnudag skal Stjørnan á heimavølli leika ímóti Kyndil. Skal Stjørnan gera sær vónir um at fáa eitt gott úrslit ímóti Kyndil, so skulu ”aðrir bollar í suppuna” í mun til avrikið í ídag, tað var snøkt sagt ikki nøktandi. Sonja Sirdal á Bergi kom á vøllin í dag, og saknurin av henni var eyðsýndur.

Málini hjá Stjørnuni skutur: Jancy H. Jacobsen, Tóra Eliasen og Mina S. Hendriksen 6 mál hvør, Julia Nalvik 2, Oddvør Josephsen, Joan Sørensen, Durita L. Johansen og Malene Madsen 1 mál hvør