Forførd av einum pedofili LIVE á Café Fríða: Hoyr fyrsta partin av poddvarpsrøðini her
Mikukvøldið 1. mars, verður Café Fríða í Klaksvík karmur um eitt tiltak, har ljós verður varpað á, hvussu vit fyribyrgja pedofili í Føroyum.
Tiltakið er ein partur av poddvarpsrøðini Forførd av einum pedofili, sum Frihedsbrevet.fo hevur framleitt. Røðin kann hoyrast á Frihedsbrevet.fo.
Norðlýsið hevur fingið fyrsta partin av leggja út ókeypis, nú ein vika er til tiltakið verður. Hinir fýra partarnir í røðini kunnu hoyrast á Frihedsbrevet.fo, um tú hevur hald.
Kjak og samrøður
Redaktiónin á Frihedsbrevet.fo - tað eru Rólant Waag Dam, Jan Lamhauge og Barbara Holm - skipar fyri tiltakinum, sum byrjar klokkan 20.00 í Café Fríða í Klaksvík. Tiltakið er ókeypis og varðar umleið hálvanannan tíma. Á skránni eru samrøður og kjak, og høvi verður at seta spurningar.
Luttakarar verða m.a.:
Absalon Hansen, hjálparfólk á dagstovnaøkinum
Tórmóður Stórá, leiðandi yvirlækni á Psykiatriska deplinum
Mimmy Vágsheyg, stovnari av átakinum Verjið børnini
Djóni Nolsøe Joensen, landsstýrismaður í barna- og útbúgvingarmálum
Sirið Stenberg, landsstýriskvinna í almanna- og mentamálum
Øll eru hjartaliga vælkomin.