Lýsing
Lýsing
Høgætt og kavi hvønn dag hesa vikuna. | Mynd: Árni Jacobsen, Leirvík

Veðrið í vikuni

SKRIVAÐ: Hanus Kjølbro  |  05.03.2023 - 21:26 Tíðindi Veðrið

Í vikuni fer veðrið ikki at broytast nógv dag fyri dag. Ættin fer alla vikuna at liggja um norðan ella landnyrðing.

Tað er eitt hátrýst yvir Grønlandi, sum fær kalda luft av Norðpólinum at reka allan tann langa vegin til Føroya.

Har norðuri er nógv kaldari enn í Føroyum, men luftin ornar tíbetur á vegnum hendanvegin. Hitin við Føroyum fer at liggja um frostmarkið – ikki langt niðriundir ella langt omanfyri.

Í luftstreyminum er nógvur kavi, sum fer at detta niður í Føroyum í ælingum ella í longri løtum við áhaldandi kavaavfalli.

Vindferðin eitt sindur skiftandi. Mesti vindur upp í 13 m/s, so tað verður einki illveður í vikuni. Minsti vindur er niður í 3 m/s.

Veðrið í vikuni – dag fyri dag:

Mánadag: Norðan, 8 til 13 m/s, samdrigið ella máskýggjað og kavaælingar.

Hitin mánadagin úr 2 kuldastigum upp í 1 hitastig.

Týsdag: Norðan, 8 til 13 m/s, samdrigið ella smáskýggjað og kavaælingar. Seinnapartin minkar vindurin niður í 5 til 10 m/s. Annars sama veður sum fyrrapartin.

Hitin týsdagin úr 2 kuldastigum upp í 1 hitastig.

Mikudag: Landnyrðingur, 5 til 10 m/s, samdrigið ella smáskýggjað og kavaælingar. Út á fyrrapartin minkar vindurin niður í 3 til 8 m/s. Seinnapartin veksur vindurin upp í 8 til 13 m/s, enn smáskýggjað og kavaælingar.  

Hitin mikudagin úr frostmarkinum upp í 3 stig.

Hósdag: Norðan, 5 til 10 m/s, skýggjað ella samdrigið og kavaælingar. Um kvøldið 3 til 8 m/s, men allan dagin smáskýggjað og kavaæl.  

Hitin hósdagin úr 2 kuldastigum upp í 1 hitastig.

Fríggjadag: Norðan og landnyrðingur, 5 til 10 m/s, samdrigið og kavaælingar.

Hitin fríggjadagin úr frostmarkinum upp í 3 stig.

 

Lýsing
Seinastu tíðindini
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Requiem skírisdag í Varpinum
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald