Lýsing
Lýsing
Lýsing
Frimodt Rasmussen, stjóri á KSS, er gestur í sendingini Búskapur & Vinna, ið verður sýnd á Rás 1 hjá Televarpinum í kvøld klokkan 19:30.

“Tú møtir akkurát teimum somu fólkunum á veg niður eftir”

SKRIVAÐ: Johnny í Grótinum  |  15.03.2023 - 15:25 Tíðindi Vinna

Hyggjuráðini frá abbanum hava tænt Frimodt Rasmussen væl í lívinum sum vinnulívsmaður og politikari. Tað greiðir Frimodt frá í sendingini Búskapur & Vinna hesa vikuna, har hann er gestur.

Sendingin Búskapur & Vinna verður sýnd á Rás 1 í Televarpinum í kvøld klokkan 19:30 og endursend sunnukvøldið. Umframt Frimodt verður Sverri Justinussen, íløguleiðari í Betri Banka, eisini gestur í sendignini. 

Frimodt var ársins leiðari í 2018

Komandi fríggjadag verður skipað fyri Ársins Leiðaradegi, har ársins leiðarar innan tað privata vinnulívið og almenna geiran 2023 verða heiðraðir. Teir 3 topp kandidatarnir innan privatu vinnuna eru: Brian Smedemark, Trygd, Sune Justinussen, JT Electric, og Kirstin Hammer, Gómagott. Kandidatarnir til heiðurin sum ársins almenni leiðari eru Alexandra á Dul, Klaksvíkar Sjúkrahús, Leif Abrahamsen, Gjaldstovan, og Bjarni Johannesen, borgarstjóri í Vági.

Í 2018 bleiv Frimodt Rasmussen kosin til ársins leiðara innan tað privata við millum annað hesum grundgevingunum:

  • At hann stendur á odda fyri eini vælvirkandi skipasmiðju
  • At Frimodt við sínum nærlagna, virkisfýsna og framskygda lyndi er ein fyrimynd og kveikjari fyri starvsfólk síni, sum trívast fakliga og sosialt
  • Við honum tekur KSS seg alsamt fram og veksur, sum eisini sæst aftur í eini góðari botnlinju.

Í sendingini í kvøld fer Frimodt millum annað at greiða frá um sína leiðslustíl sum stjóri á KSS og um at fara frá at vera vinnulívsmaður til at gerast tingfólk – og aftur. Eisini verður ein støðulýsing av KSS og smiðjuvinnuni, sum fyritøkan virkar í.

Pápin og abbin eru størstu fyrimyndirnar

“Minst nú til, hvussu tú uppførir teg á veg upp eftir, tí tú møtir akkurát teimum somu fólkunum á veg niður eftir” vóru ráðini frá abbanum Frimodt til Frimodt, tá hann byrjaði upp á starvsleið sína.

Í samrøðuni í sendingini í kvøld vísir Frimodt til pápa sín Grím, skipara og vinnulívsmann, og Frimodt, maskinsmið, sum størstu fyrimyndirnar hjá sær.

Sendingin Búskapur & Vinna verður sýnd á Rás 1 í Televarpinum í kvøld klokkan 19:30. Vertur er Johnny í Grótinum, búskaparfrøðingur.

Lýsing
Seinastu tíðindini
Nordic Music Camp í Føroyum
Atlantic Airways 36 mió. í avlopi í fjør
Á floti sunnanfyri í gjár
Meira hjálp frá lærlingum
Eldrahugni í Betesda
Atlantic Fair nærkast
Nær verða skaddu KÍ-leikarar­nir aftur?
Útistovuhagin: Lembingin byrjað
Ein øgiligur munur á viðferð
Gadus fór nýggjan túr í kvøld
Toppdystur í Klaksvík í kvøld
Varpið avhendað
Dragin til umvælingar í Danmark
Skrúvuguds­tænasta í Christians­kirkjuni
Gøtudals­tunnil, nú!
Áhugafelagið Spinnarríið hevur aðalfund
Fleiri ymisk skeið innan vitlíki
Góða gongdin hjá J&K Petersen heldur fra…
- Vit mugu virða ta gomlu søguna og tað…
Foto framsýning í Smiðjuni í Lítluvík 18…