Lýsing
Lýsing
Lýsing

MEA fær stuðul frá Nordea-fonden

SKRIVAÐ: MEA  |  16.03.2023 - 08:40 Tíðindi

Fyri fyrstu ferð nakrantíð, hevur Nordea-fonden stuðlað einari verkætlan í Føroyum. MEA skal tey komandi 2 árini kanna, hvønn týdning relatiónin milum foreldur hevur á trivnaðin hjá barninum.

Vígdis Skorheim, stjóri í MEA, vísir á, at tað, sum tey ynskja við hesari verkætlanini, er at styrkja um trivnaðin hjá barninum við at menna føroyskt tilfar, ið skal nýtast í arbeiðinum, at stimbra parlagið, tá ið tvey blíva til trý. Tað er ikki parlagið í sær sjálvum, sum er snúningsdepilin, men relatiónin millum tveir partar, og tann sannroynd, at tað er eitt barn, hvørs trivnaður er beinleiðis ávirkaður av góðskuni av relatiónini millum foreldur.

- Við at byggja víðari á mammubólkarnar, sum vit í Føroyum kenna so væl, síggja vit møguleikan fyri at víðarimenna eitt tilboð, ið vendir sær til bæði foreldrini. Henda verkætlan gera tað natúrligt, at samtalan í bólkunum, umframt at snúgva seg um eitt nú føðing og foreldraleiklut, eisini fer at fevna um parlag og foreldraleiklut. Við verkætlanini ynskja vit at framleiðia føroyskt tilfar við kanningum, ið taka støðið í føroyskum viðurskiftum.

Verkætlanin fevnir yvir tey komandi 2 árini, og sum partur av úrslitinum verður framleidd vitan, undirvísingartilfar og ítøkilig amboð til barnafamiljur og fakfólk.

Verkætlanin byrjar við einari ráðstevnu í Norðurlandahúsinum, sum verður 3. mai., har Tea Trillingsgaard, PhD og lektari í menningarsálarfrøði á Aarhuus Universiteti luttekur saman við Mattias Stølen Due, stjóra í Center for Familieudvikling og Søren Marcussen, leiðara fyri familjudeildina á Center for Familieudvikling.

Nordea-fonden stuðlar verkætlanini við 730.952,00 kr., umframt at vinnulív í Føroyum eisini hevur stuðlað verkætlanini.

Lýsing
Seinastu tíðindini
Nordic Music Camp í Føroyum
Atlantic Airways 36 mió. í avlopi í fjør
Á floti sunnanfyri í gjár
Meira hjálp frá lærlingum
Eldrahugni í Betesda
Atlantic Fair nærkast
Nær verða skaddu KÍ-leikarar­nir aftur?
Útistovuhagin: Lembingin byrjað
Ein øgiligur munur á viðferð
Gadus fór nýggjan túr í kvøld
Toppdystur í Klaksvík í kvøld
Varpið avhendað
Dragin til umvælingar í Danmark
Skrúvuguds­tænasta í Christians­kirkjuni
Gøtudals­tunnil, nú!
Áhugafelagið Spinnarríið hevur aðalfund
Fleiri ymisk skeið innan vitlíki
Góða gongdin hjá J&K Petersen heldur fra…
- Vit mugu virða ta gomlu søguna og tað…
Foto framsýning í Smiðjuni í Lítluvík 18…