Tað var 16. mars 2003, at Sambýlið á Heygnum varð tikið alment í brúk. Søgan um ellisheimið er gomul, og hoyra vit fyrstu ferð um tørvin á einum ellisheimi í Klakvík í 1945 – 78 ár síðan.

Søgan um ellisheimið er søgan um eldsálir, sum gingu undan og fingu kommununa við í leikin. Søgan um ellisheimið er eisini søgan um kvinnurnar, sum gingu undan við at savnað pening inn til verkætlanina og eisini hildu á við stríðnum.

Á Norðoyastevnu 1949 varð basarur hildin, sum í eftirtíðini er blivin víðagitin. Mong fólk stuðlaðu við at lata vinningar, og basarurin var at meta sum ein høgtíð í Klaksvík.

Í 1952 vóru 111.000 kr. á bók, sum í dagsins pengum svarar til slakar 2 mió kr.

Jóannes á Heygnum lat trøð til byggingina, og tí verður ellisheimið kallað Sambýli á Heygnum, hóast staðsetingin er undir Kráarbrekku.

Tað vórður røður hildnar, eins og sungið varð. Ein hugnalig løta og hugnaligur føðingardagur. 

Njótið myndirnar av búfólkum, avvarandi, starvsfólkum og gestum sum Oliver Joensen tók.