Lýsing
Lýsing
Lýsing

KÍ vann á Tórsvølli móti HB

SKRIVAÐ: Jákup Ósá  |  18.03.2023 - 14:26 Ítrottur Tíðindi

KÍ vann uppiborið á Tórsvølli.

Líkindini vóru frálík til fótbólt, men dysturin var merktur av, at vit eru tíðliga í kappingarárinum, og at liðini nú ikki hava spælt í tvær vikur og at kavin hevur ávirkað venjingarnar. Tí dysturin var merktur av, at spælið ofta ikki sat sum tað skuldi, og leikferðin var ikki tann hægsta. KÍ var samanlagt omaná og hevði tað betra spælið og teir flestu málmøguleikarnar, hóast HB eisini hevði onkrar góðar málmøguleikar. Hetta var eisini ein áhugaverdur dystur taktiskt, tí tað var 3-5-2 hjá HB móti 4-2-3-1 hjá KÍ. Og júst trýstspælið hjá KÍ var kanska tað, sum haltaði mest hjá KÍ, tí HB hevði ofta lætt við at spæla seg úr fyrsta trýstinum.

KÍ kann fegnast um, at hópurin er breiður í løtuni, tí í dag vóru fáir skaðar. Tað merkti m.a., at fýra útlendingar blivu skiftir inn í hálvleikinum.

 


HB-KÍ 0-2 (0-1)

0-1: Mads B. Mikkelsen (upplegg: Jóannes K. Danielsen)

0-2: Patrick Da Silva (upplegg: Árni Frederiksberg)

KÍ (4-2-3-1): Markus O. Pettersen – Jóannes K. Danielsen, Odmar Færø, Heini Vatnsdal, Patrick Da Silva – Jákup B. Andreasen, Luc Kassi – Árni Frederiksberg, Mads B. Mikkelsen, René S. Joensen – Páll A. Klettskarð. Í hálvleikinum komu hesir inn: Vegard Forren, Deni Pavlovic, Claes Kronberg og Sivert Gussiås inn. Seinni komu Børge Petersen, Óli Ey. Poulsen og Símun Kalsø inn. Hannis Matras og Olaf K. Hansen vóru eisini í dystarhópinum.

Lýsing
Seinastu tíðindini
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival
Stórar útbyggingar í Fuglafirði
Hallur við nýggjum lagi
Tvær klaksvíksdamur í hálvfinalu á Orkne…
Fleiri finalupláss í frælsum ítrótti
Føroyar eru í hálvfinaluni í badminton
Eydnuhjól í Mikladali leygar­dagin
Sámal Jákup partur av venjaratoyminum
Kaj Leo vil hava treff fyri koyristólsbr…
Minningarorð um pápa okkara Jógvan F. Tr…
Ein finala í frælsum ítrótti longu sunnu…
70 føroysk ítróttar­fólk á Orkney
Myndarøð: Við KRF, NHR og ÁRF á fjarðast…
Klaksvík­ingur vann við góðum miðróðri
Evropa tapir – og vit mugu vakna: Ein áv…
Sjóvinnu- og Mentunar­húsið í Sørvági hev…