Lýsing
Lýsing

40 íløgumilliónir úr Havn til Fuglafjarðar

SKRIVAÐ: Eyðfinn Reyðberg, stjóri  |  28.05.2023 - 09:10 Tíðindaskriv Vinna

Tað er eitt gott tekin fyri Fuglafjørð sum bý, at Bústaðir nú velur at fullføra tvær íbúðarverkætlanir í senn í býnum, og gera íløgur fyri meir enn 40 mió.kr. tilsamans uppá hesar báðar verkætlanir.

 

 

Væntast kann, at eini 60 fólk samanlagt koma at búgva í teimum 24 íbúðunum hjá Bústaðir, og svarar hetta til 4% av fólkatalinum í Fuglafirði.

Í desember 2017 kunngjørdu Fuglafjarðar kommuna og Bústaðir, at byggjast skuldu 30 íbúðir úti á Land í Fuglafirði. Umstøður lagaðu tað soleiðis, at hetta ikki var veruleiki í fyrstu syftu.

Eftir áheitan frá Fuglafjarðar kommunu eftirlíkaðu vit at standa fyri at menna og útvikla verkætlanina, ið kommunan hevði stórt ynski um var gjøgnumførd.

Í september 2022 fekk Sp/f Toftanes 2 tinglýst skeyti frá kommununi og longu fyri jól var alt neyðugt arbeiði gjørt við byggibúning og stoypan, so klárt var at seta bygningin upp.

Samstundis í desember 2022 var avtala gjørd við útlendskan byggiveitara, um at seta upp og inniloka bygningin nú í summar. Hesin byggiveitari hevur frammanundan framt fleiri byggiverkætlanir í Føroyum, millum annað fyri Bústaðir.

Ímeðan samráðingar hava verið partanna millum, og øll formlig viðurskifti eru greidd, hevur arbeiðið hildið fram, og ger hetta, at íbúðarbygningurin verður settur upp sum ætlað í summar, nú við Bústaðir sum byggiharra og eigara.

Vit síggja hetta sum eina sólskinssøgu fyri Fuglafjørð sum bý, og tíðin fer at vísa, at tørvurin á íbúðum í Fuglafirði ikki verður nøktaður við tí sum Bústaðir nú byggir.

Tær fyritøkur, sum eftir ætlan skuldu eiga íbúðarbygningin, kunnu nú gera aðrar íløgur í staðin fyri.

Sp/f Toftanes 2 fegnast um góða og jaliga framburðin og úrslitið, og at hava staðið fyri at útvikla, menna og selja hesa verkætlan, sum eisini er høvuðsvirksemi okkara. 

Eisini gleðast vit um, at rætti eigarin Bústaðir verður til hesa verkætlan, sum er besta trygdin fyri framtíðina bæði hjá leigarum og Fuglafirði sum býi.

 


Sp/f Toftanes 2

Eyðfinn Reyðberg, stjóri

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin