Føroyskir leikarar hava nú í nøkur ár luttikið í hesari kappingini, og eru nærum hvørja ferð komin heim aftur við fleiri heiðursmerkjum.

At føroyskt badminton er í støðugari menning sæst aftur í hvørjum bólkum, tey eru meldaði til í.

Okkara leikarar luttóku í teimum ovastu bólkunum, E-bólkinum, sum er elitubólkurin, M-bólkinum, sum er beint undir E-bólkinum og í A-bólkinum.

Leikararnir í bæði E, M og A bólkinum høvdu fleiri tættar og gevandi dystir, har føroysku leikararnir stóðu seg sera væl.

Har tað bar til, luttóku tey í heili 3 kappingum, einmansleiki, tvímansleiki og blandaðum tvímansleiki.

Hesi luttóku fyri Føroyar:

• Ranja Joensen
• Inga Guðrin Samuelsen
• Naomi Rajani Færø
• Hansina Eysturtún Mouritsen
• Sarita Kvilt
• Jafet Rasmussen
• Tóki Yngvason Guttesen
• Ørvur Isfeld
• Beinir Rúnason Weihe
• Símun Sigvardsen

Við á ferðini var eisini ungdómslandsliðsvenjarin Fai Yin Wong, og ferðaleiðararnir Birita og Jon Sigurd Samuelsen.

Hesir leikararnir komu heim aftur við heiðursmerkjum í A bólkinum

• Inga Guðrin Samuelsen, silvur, einmansleikur gentur
• Ørvur Gunnarsson Isfeld og Símun Thorkildshøj Sigvardsen, silvur, tvímansleikur dreingir
• Símun Thorkildshøj Sigvardsen, vann 3. plássið í einmansleikur dreingir
• Naomi Rajani Færø og Inga Guðrin Samuelsen vunnu 3 plássið í tvímansleikur gentur.

Aðrir føroyskir leikarar luttóku eisini í kappingini í Farum. Kristoffur Samulsen vann silvur í tvímansleiki fyri menn saman við einum donskum leikara, hann spældi í U17/19A. Tóra Erlandsdóttir vann gull í einmansleiki og silvur blandaðum tvímansleiki saman við íslendskum leikara, hon spældi í U13A

Fleiri myndir frá ferðini eru at síggja á facebook vanganum hjá Badmintonsambandinum