Myndarrøð: KÍ - AB 2-1
Tað stóð á síðstu løtuna, men eins og allar hinar landskappingardystirnar so stóð KÍ eftir við trimum stigum.
KÍ var á oda 2-0, og tá hevur venjarin helst hildið, at sigurin var í hús. Tí tá blivu nógvar útskiftingar gjørdar, har fleiri óroyndir leikarar komu inn og KÍ-liðið sum endaði dystin líktist kanska meir einum eykaliðið. AB svaraði aftur og sum so ofta, tá eitt lið minkar til niður til eitt mál so kemur ein avísur fjáltur á. Tað gjørdi tað eisini og AB var sera nær við at javna. Einu ferðina endaði skot frá Sebastian Lebus á stongini. Samanlagt var KÍ betra liðið og hevði sigurin uppibornan, men spurningurin er, um hetta rákið við teprum sigrum kann merkja, at onkur javnleikur nærmast, tí hetta minsti nógv um heimadystirnar móti EB/Streymi og ÍF. Eins og móti ÍF, so spældi KÍ við trimum í miðverjuni og sum skilst er hetta liður í at hava fleiri leikskipanir til altjóða dystirnar í summar.
Stóra samtaluevnið eftir dystin var um skaðan hjá toppskjúttanum Páll A. Klettskarð, sum fór skaddur av vøllinum í fyrra hálvleiki. Myndirnar av fótinum vístu einki brot og sum skilst eru góðar vónir fyri, at hann kann spæla aftur skjótt.