Amerikanska fyritøkan Lockheed Martin skal veita loftávaringarradarar í Føroyum og í Danmark. Tað hevur ein samdur semjubólkur gjørt av í tráð við eitt hernaðarfakligt tilmæli frá verjuovastanum.

– ”Eg eri sera væl nøgdur við, at semjubólkurin tekur undir við at útvega loftávaringarradarar frá Lockheed Martin. Radararnir eru av stórum týdningi fyri yvirvøku bæði í Danmark og í Norðuratlantshavi, og strembanin hjá kongaríkinum eftir at halda lágspenning í økinum er undir trýsti. Trygdarpolitiska støðan krevur, at hjáveran og samstarvið í Arktis og Norðuratlantshavinum verður munandi styrkt, og við hesi útveganini eru vit væl ávegis”, sigur verjumálaráðharrin, Troels Lund Poulsen.

Radararnir verða fíggjaðir av m.a. Arktis’ Kapacitetspakke og Accelerationsfondinum, og teir væntast at verða tiknir í nýtslu innan fá ár. Sáttmálan letur eisini upp fyri møguleikanum fyri einum 4. radara av sama slagi, og verður hann í so fall settir upp í Eysturgrønlandi.