Í 2005 læt tann lokala bilasølan Reyni Service upp í Klingrugarði í Klaksvík. Tað eru sostatt 18 ár, síðan hurðarnar lótu upp. Umframt at selja bilar hevur Reyni Service eitt stórt verkstað við 4 lyftum. Tey seinnu árini eru fleiri útbyggingar og dagføringar gjørdar á verkstaðnum, eitt nú Hevur Toyota nú væl útbygt sokallað “Dekkhotel”

Jan Jacobsen, sølumaðurin, er av teirri fatan, at fólk í Klaksvík eru glað fyri Reyni Service, men ásannar, at trýstið á verkstaðnum er blivið nógv størri tey seinastu árini. Hetta er sjálvandi tí, at fleiri bilar eru á vegunum, og tað er bara gott, sigur hann.

Jákup Hansen, verkstaðsleiðari, hevur havt sera nógv um at vera hesa seinastu tíðina, og hetta hevur millum annað ført við sær, at serliga kundar í telefonini eru forsømdir. Tí eru vit sera glaðir fyri at hava fingið Harriet Lydersen við í toymið. Nógv starvsfólk eru komin og farin tey seinastu 18 árini, men ongantíð áður hevur ein kvinna starvast her.

Harriet er sett í starv sum móttøkufólk og skal í høvuðsheitum taka sær av kundum, sum koma inná gólvið, og ikki minst taka ímóti kundum, sum eru í telefonini.