Lýsing
Lýsing
Lýsing

Evropa keypir meiri flótandi gass enn nakrantíð frá Ruslandi

SKRIVAÐ: Norðlýsið  |  21.09.2023 - 01:00 Politikkur Tíðindi Vinna

Berlingske hevur gjørt áhugaverda greining av handilssamstarvinum millum Evropa og Rusland. Niðurstøðan er, at nógv meiri flótandi gass verður keypt nú, enn áðrenn kríggið.

Eitt nú er Belgia blivin størsti avtakari av gassi frá Ruslandi.

Hóast Týskland skuldi ganga á odda, og millum annað bað fólk um at brúka brúsuna eitt sindur minni, og annars á allan hátt spara upp á hitan fyri at minka um innkeypið av gassi úr Ruslandi, so hava onnur ES lond økt munandi um innkeypið av LNG(flótandi gass) frá Ruslandi.

Í veruleikanum hava ES lond økt innkeypið av LNG frá Ruslandi við 40% í mun til áðrenn kríggið byrjaði, og er innkeypið áljóðandi 35 milliardir krónur fyrstu 7 mánaðirnar av árinum. Hetta svarar samstundis til, at tey evropeisku londini standa fyri umleið helvtuni av øllum útflutninginum av flótandi gassi úr Ruslandi. 

- Tað er hugstoytt, at londini í ES hava arbeitt so hart fyri at sleppa undan gassi úr Ruslandi, sum verður leitt gjøgnum rør, fyri ístaðin at fáa júst tað sama, bara frakta við skipum ístaðin, sigur Global Witness við Financial Times.

Harafturat verður ivi sáddur, um Týskland veruliga hevur slitið seg leyst frá russiska gassinum. Der Spiegel vísir á, at Týskland móttekur stórar mongdir av LNG-gass frá Belgia, ið jú hevur økt mest um innkeypið av gassi frá Ruslandi.

Eisini oljan úr Týsklandi verður seld í stórum mongdum til India, og eisini her er tað merkisvert, at Týskland hevur 10 faldað innkeypið av olju frá India, vísir Berlingske á í grein.

Lýsing
Seinastu tíðindini
Hálvur klaksvík­ingur søkti KÍ
Nýtt forfólk í Pedagog­felagnum
Søren Pape Poulsen deyður
Lønin avgerandi fyri brúkiliga bjarginga…
Haakon Lunov: KÍ er liðugt at keypa inn
Upptakt: KÍ-HB
Uriah Heep kemur til Klaksvíkar
Kunningarstovan á ferð í Norð­oyggjum
Móttøka í Vágum fyri fyrsta føroyska far…
Á pall fyri fyrstu ferð
Opið hús á Tekniska skúla
Prógvhandan á Yrkisnámi
Veðrið um vikuskiftið
Aðalfundur Norðoya Fornminna­felag 2024
217 ára gomul føroysk kvinnu­troyggja fun…
Magne Hoseth: Tað kom sum eitt sjokk
Magne Hoseth fekk 50 dagar - uppsagdur
Samstarvsavtala millum Sunda kommunu og…
Hugnaløta í kirkju­kjallarinum
Bátafelagið á Torradøgunum