Verður tað í morgin, at KÍ endurvinnur FM triðja árið á rað?
Fert tú ein biltúr í Klaksvík, síggjast KÍ-fløgg hanga ymsastaðni kring býin í góða veðrinum, og nú er spurningurin, um tað verður í morgin, at KÍ endurvinnur føroyameistaraheitið triðja árið á ráð.
Í morgin, sunnudagin 1. oktober 2023, spæla KÍ-kvinnurnar, sum longu eru føroyameistarar, seinasta heimadystin kl. 12:15 ímóti NSÍ, so tær kunnu eisini feira FM á heimavølli í morgin.
Klokkan 15 spæla menninir ímóti ÍF, og vinnur KÍ hendan dystin, samstundis sum B36 missur stig ímóti Víkingi í Gøtu, so eru menninir føroyameistarar.
Í morgin verður sjálvandi gjørt burturúr, um FM kemur í hús, so tað ræður um hjá bæði børnum og vaksnum um at fara oman á Djúpumýru at vísa okkara stuðul í morgin.
Og hvør veit – kanska vit fáa ta søguligu løtuna í morgin, at menninir hjá KÍ vinna FM triðja árið á rað.
KOYR Á KÍ