Fram ímóti middegi fer ættin upp í útnyrðing, vindurin fer at veksa eitt sindur, upp í 5 til 10 m/s, tað verður samdrigið kring næstan alt landið og ælaveður.

Eitt sindur út á seinnapartin er aftur turt og nakað klárari.

Í kvøld gongur hann niður í vestan og minkar vindin niður í eitt lítið lot, minni enn 5 m/s.

Hitin í dag fer liggja um 10 stig. Í nátt niður í 7 stig.

Gera vit eitt lop fram til hóskvøldið, tá ið KÍ skal spæla ímóti Lille á Tórsvølli, so kunnu vit vænta 5 til 10 m/s av eystri, skýggjað ella samdrigið og turt. Hitin fer at liggja um 8-9 stig.

Hetta skuldi verið gott veður til fótbólt. Gundadalur er veðurgóður, og Tórsvøllur er næstan innigirdur av høgum bygningum.