Seinnapartin hækkar hann upp í landnyrðing, og vindurin fer at veksa eitt sindur. Tá ið dysturin millum KÍ og Lille byrjar á Tórsvølli klokkan 1745, eru 5 til 10 m/s av landnyrðingi, samdrigið og okkurt ælið.

Tó er tað byrjað at regna í Suðuroy og kanska Sandoy eisini og so við og við regnar kring alt landið.  

Hitin í dag fer at liggja um 8 – 9 stig.  

Hetta er hampuligt veður á Tórsvølli – men tað er altíð eitt gott hugskot at lata seg væl í. Kann endurtaka, at Gundadalur er veðurgóður, og Tórsvøllur er næstan innigirdur av høgum bygningum. Ættin fer at liggja inn á bakið á tí stóra skýlinum, har sum inngongdirnar eru.