KÍ fær i dag FM-steypið handað, meðan Víkingur hevur 2. plássið at spæla fyri.

Hjá KÍ stendur heiðurin uppá spæl. KÍ hevur ongan heimadyst tapt í landskappingini síðani 1. umfar í 2020 og degnum, har KÍ fær FM-steypið, sum KÍ nú fær til ognar, handað tekur tað helst nakað av gleðisróminum, um liðið tapur. Hjá Víkingi stendur 2. plássið uppá spæl. Vinnur Víkingur so endar Víkingur nr. 2, men tapur Víkingur, so endar liðið mest sannlíkt nr. 4. Ein javnleikur verður mest sannlíkt nokk til 3. pláss.

Hjá KÍ er spurningurin, hvørjir leikarar hava brúk fyri hvíld eftir dystin hóskvøldið. Odmar Færø er blivin frískur aftur. Ivamál er um Heina Vatnsdal, Patrick Da Silva, Hall Hansson og Deni Pavlovic. Hjá Víkingi er ivamál um Martin K. Joensen, sum fór skaddur av vøllinum fyri viku síðani.

Dysturin við Djúpumýrar byrjar kl. 15.00. Dómari verður Rúni Gaardbo.