Her kappast tey um at skapa vitan og førleikar. Tey leggja fram nýhugsandi loysnir, kappast í robottdystum á stóra flotta legobananum og hava básar, har tey kappast um at marknaðarføra loysn sína best.

Evnið í ár var Masterpiece.

Liðini skuldu finna eitt ítriv, sum tey síðani skuldu marknaðarføra uppá ein øðrvísi, og nýhugsandi máta. Hugskotini vóru góð. Ramasjang flogbólt, eina lesikafé í Klaksvík og eina skíhøll. Møguliga vera onkur av hesum hugskotunum til veruleika einaferð.

Tað vóru 31 lið meldaði til í ár, og Skúlatrøð átti 3 av teimum. Tey trý liðini, sum umboðaðu okkara skúla, vóru næmingar úr 5.flokki.

Endaliga úrslitið var, at vit fingu 3 nomineringar og eitt 2. pláss steyp í marknaðarføring av skíhøllini. Kappingin var 11.november í skúlanum á Fløtum.

Vinnarin fer víðari til skandinavisku kappingina, sum í ár verður í Danmark.