Veðrið í vikuni
Heilt hampuligt veður er í morgun, vindferðin 3- 8 m/s, og ættin er um eystan. Skýloftið er skiftandi, og tað er nokkso ymiskt, hvussu tað er við avfalli – helvt um helvt turt ella ælaveður. Hitin í morgun er komin upp í 4 stig. Við smáum broyting fer veðrið at líkjast hesum nokkso nógv alla vikuna.
Í fyrru helvt av vikuni fara vit at liggja undir einum hátrýstryggi, sum sum hevur stungið seg úr einum hátrýsti yvir Barentshavinum suður ímóti okkum. Seinna partin av vikuni fara vit at liggja ímillum hátrýstøkið í Eysturgrønlandi og lágtrýstøkið í Norður- og Miðevropa.
Men aftur til veðrið hesa vikuni.
Ættin fer at liggja um eystan allan dag, men vindurin fer at minka eitt sindur, niður í eitt lítið lot, minni enn 4 m/s. Avfallið sum í morgun – t.e. stuttar løtur við regni. Ælaveður.
Í morgin kann væntast sama veður sum í dag.
Mikudagin fer vindurin at veksa eitt sindur. Seinnapartin upp í 8 til 13 m/s, og ættin fer upp í landnyrðing. Eisini skiftandi skýloft og ælaveður tann dagin. Hitin fer at liggja um 2 til 7 stig.
Fríggjadagin verður minni vindur enn dagin fyri – 5 til 10 m/s av landnyrðingi, saman við skiftandi skýlofti og ælaveðri, og hitin fer aftur at liggja millum 2 og 7 stig.