Ein vælsignaður dagur sunnanfyri við tráðu, snellu og byrsu. Gamalt var kanska ikki, at tú royndi við fleiri veiðuútgerð, men soleiðis var tað leygardagin hjá okkum báðum, mær og Ásmundi bróður. Streymurin var harður hendan dagin og hartil royndist føroyska veðursøgnin neyvari enn hon hjá DMI. DMI helt at vindurin fór ikki upp um 3. 4. metrar um sekundið, ímeðan Hanus segði, at vit kundu vænta 5 metrar, og tað gjørdist sum Hanus spáddi í KVF.

Sjógvurin gjørdist nakað gjálvugtur í løtum og hartil var sýnið ringt í løtum, so eftir at vit høvdu siglt av Borðoyarvík og út á Svartaberg á Fugloynni undan Svínoynni, gjørdu vit av, at at sigla aftur ímóti Skorini. Við opnan Árnafjørð kastaðu við, fyrst við snelluni og seinni við tráðuni. Fongurin á Túrinum gjørdist 27 fuglar og 28 fiskar.

Vit fóru frá neystinum um níggju tíðina fyrrapart og vóru aftur á støðni um klokkan fýra seinnapart, væl nøgdir eftir aftur ein frálíkan túr.