Sonja Kjølbro, forkvinna greiddi frá tilgongdini til listaverkið. Síðani greiddi Edward Fuglø hugskotinum handan listaverkið, kallað Fípan Fagra, sum er ein sundurtikin bátur hjá Niklas í Koltri, kallaður Fípan Fagra frá 1981.

Eftir framløgurnar, fór Klaksvíkar Dansifelag upp á gólv, og kvæð nøkur ørindi úr kvæðnum, Fípan Fagra.

Kl. 16 var boðið til jólahald við gamla kirkjugarð, har Hanus á Gørðum, prestur fortaldi eina søgu fyri børnunum og Karl H. Johansen, borgarstjóri eisini helt røðu, og Klaksvíkar Hornorkestur sum so ofta spældi hugnaligan jólatónleik.

Tað var av tí allar mesta av fólki, sum vóru komin saman, tó at veðrið var rættiliga kalt.

Men bráðliga bleiv hornorkestrið avbrotið við levint og gangi frá Trøllaommini og hennara fólki, sum komu við stigabilinum hjá Sløkkiliðnum at tendra vakra jólatræið.

Eisini vitjaðu jólamenn og úr eini av smáttunum, ið har stóðu, reyk sótt av brendum mandlum og øðrum góðum.

Síðani varð eisini boðið til ein heitan dekkamunn í kjallaranum í Varpinum, har hópin av fólki leitaði sær.

Eliana Svøðstein hevði prýtt so væl og hugnaliga inni í kjallaranum við ymiskum kendum pallmyndum hjá børnunum og eisini við jólatrøum. Jú, her var gott at fløva seg eina løtu.

Síðani lá leiðin til Árnafjarðar tendra jólatræið kl. 17.30. Kristoffur Olsen helt røðu, og Klaksvíkar Hornorkestur spældi.

Eisini her var væl av fólki og boðið varð til ein in góðan kaffimunn og rísalamande í gamla bygdahandlinum eftir  haldið.

Handilin hava Samson Højgaard og systurin Óluva Poulsen keypt. og  Tey hava ætlanir um at seta húsið í stand, men at varðveita gamla søguliga handilin í tí standi, hann er – So sum í gomlum døgum, eins og allir árnfirðingar minnast hann.

Komin aftur til Klaksvíkar lá leiðin út á Norðoya Fornminnasavn, sum rættiliga hevur fingið eitt afturlítandi lyft við alkyns handilsvørum afturi tíð, eins og krambafólkini eisini gingu í klæðum frá teirri tíðini.

Íbúðin hjá apotekaranum var gomlum innbúgvi sett í gamlan hugnaligan stand, har nostalgi og romansa fekk frítt spæl.

Sera áhugavert og annarleiðis og veður vónandi standandi soleiðis í rúma tíð – Tú kundi eisini keypa eldri gávulutir og køkur heim við.

Hetta kann bert upplivast – síggj til, at tú fert á vitjan her fyri jól, við øllum tí jólahugna, ið har er!