"Kristoffur Olsen helt røðu, har hann millum annað kom inn á jólahaldið í Árnafirði fyrr í tíðini, serliga tá ið hann var smádrongur.

Um hvat tey ótu jólaaftan og fyrsta dag, og eisini um jolahaldið, sum plagdi at vera í skúlanum, sum lærarin Niclái skipaði fyri.

Klaksvíkar Hornorkestur spældi góðan jólatónleik við træið. Aftaná at jólatræið varð tendrað fóru fólk í handilin, har borðreitt var við kaffi, sunkist og rísalamande!

Tøkk til fyriskiparar, røðara og Klaksvíkar Hornorkestur!

Ein serlig tøkk til Mariu Olsen, sum eigur vøkru nissurnar og fittu trøllini, sum handlinin var prýddur við." skrivar Samson Højgaard at enda.

Gamla bygdahandilin hava Samson Højgaard og systurin Óluva Poulsen keypt. Ætlanin er at seta húsið í stand, men at varðveita gamla søguliga handilin í tí standi, hann er – So sum í gomlum døgum, eins og allir árnfirðingar minnast hann.