Lýsing
Lýsing
Lýsing
Døtrarnar hjá Karl vóru so keddar av, at tað ongantíð eydnaðist pápanum at síggja og heilsa uppá jólamannin. | Mynd: Dávur Winther

Jólatræið á Norðoyri tendrað

SKRIVAÐ: Tekstur og myndir: Dávur Winther  |  04.12.2023 - 22:39 Mentan Myndarøð Tíðindi

Í kvøld kl. 18.30 varð boðið til hugnaløtu av bygdafelagnum Heimrustir, sum skipaði fyri jólaløtu í sambandi við jólatræið tendraði í kvøld.

Tað var Rannvá Langgaard, sum vegna Heimrustir bjóðaði vælkomin og greiddi frá skránni.

Karl H. Johansen, borgarstjóri helt røðu og Klaksvíkar Hornorkestur spældi jólatónar úr ”Reyðu Bók”.

Karl hugleiddi um nógvar góðar løtur Úti á Oyri, og at tað júst í ár eru liðin 50 ár síðan, at tað rann saman millum seg og konuna, Jórun, sum er ættað av Oyri – har tey seinni eisini búsettust.

Karl kom uppí seyðahald og tað lívið, ið annars fyrifórst her úti. Tey fingu seinni tvær fittar døtrar og saman við teimum sum smágentur, var ofta nógv stákan fram undan jólum saman við teimum.

Nógv var prátað um, hvar jólamaðurin búið, tað vistu tey tó ikki rættiliga, annað enn at tað var onkrastaðni uppi í fjøllunum omanfyri bygdina.

Døtarnar tóku so synd í Karl, pápanum, tí altíð, tá ið jólamaðurin kom, varð hann tilkallaður av Politinum til onkara uppgávu. Hesum vóru tær so keddar av, at tað ongantíð eydnaðist pápanum at síggja og heilsa uppá jólamannin.

Tá ið røðan var liðug og jólatræið tendrað, spældi Hornorkestrið, Gleðilig jól, sum øll sungu við til.

 

Síðani varð boðið til ein góðan kaffimunn og jólapakkar til børnini í stásiliga barnagarðinum á Norðoyri.

Lýsing
Seinastu tíðindini
Nógvir fjepparar í Malmø
Úr vøggu í grøv
Sangfagnaðarløta í Ebenezer
Minningarorð um Eivind Weyhe
Hann hevur lagt seinasta countrylagið á
Flest mál ígjøgnum síðani 2017
KÍ rendi seg í ódnarveður í Malmø
Fjepparar savnast í Malmø
Ikki fleiri Klaksvíks­stríð
KÍ fjepparar á ferð
Upptakt: Malmø-KÍ
Hóast veðrið so ber tað til
Sakaris á Summar Festival
Hiddenfjord hevur tikið føroya størstu s…
Á fjalli við Eiðismonnum
KJ umvælt dekskrana umborð á Polar Princ…
Hetta er bólkurin hjá KÍ
Trummur­nar fara at runga í Malmø
Biden leggur kongin
Søgan um Hank Williams 6:8