Lýsing
Lýsing
Lýsing

Undirsjóvarbreyt (metro) til útoyggjarnar

SKRIVAÐ: Elsebeth Mercedis Gunnleygsdóttur, løgtingslimur  |  06.12.2023 - 00:01 Politikkur Tíðindaskriv

Við undirsjóvarbreytum er tað møguligt at knýta allar Føroyar í eitt samferðslukervi soleiðis, at tað bert tekur fáar minuttir at koma av útoyggj inn á meginøkið. Trygt, lætt og ómakaleyst í øllum veðri, allar árstíðir uttan avlýsingar og seinkingar orsakað av veðri. Tá kunnu fólk búgva á útoyggj og bert hava fáar minuttir til arbeiðis.

 

 

Áhugin og eftirspurningurin eftir betri sambandi til útoyggjarnar hevur ongantíð verið so stórur sum nú. Tí hevur undirritaða við hesum spurgt landsstýrismannin í samferðslumálum, um hann hevur ætlanir um alternativar farleiðir til útoyggjarnar.

Her hugsi eg um undirsjóvarbreytir (metroir).

Í fyrsta umfari hugsar undirritaða um Nólsoynna. Um hetta vísir seg at verða ein góð loysn, kunnu undirsjóvarbreytir gerast til aðrar av smáu útoyggjum okkara.

 

 

Spurningar:
1. Ætlar landstýrismaðurin at kanna møguleikarnar at loysa samferðsluna til
útoyggjarnar við eini undirsjóvarbreyt (metro)? Í fyrsta umfari kundi farvegurin til Nólsoynna verið ein byrjan?

2. Hvat kosta undirsjóvarbreytir (metroir) og viðlíkahald og rakstur av teimum í mun til aðrar samferðslumøguleikar?

Viðmerkingar:
Áhugin og eftirspurningurin eftir betri sambandi til útoyggjarnar hevur ongantíð verið so stórur sum nú. Tí vil undirritaða við hesum spyrja landsstýrismannin í samferðslumálum, um hann hevur ætlanir um alternativar farleiðir til útoyggjarnar.

Her hugsi eg um undirsjóvarbreytir (metroir).

Í fyrsta umfari hugsar undirritaða um Nólsoynna. Um hetta vísir seg at verða ein góð loysn, kunnu undirsjóvarbreytir gerast til aðrar av smáu útoyggjum okkara.

Tað er umráðandi, at landsstýrismaðurin kannar og samanber eina nýggja metro við núverandi sigling um firðir og sund og aktuellar framtíðarætlanir hesum viðvíkjandi.

Upplýsingar hesum viðvíkjandi kunnu innheintast frá LV, Tunnilsfelagnum og/ ella øðrum.

Við undirsjóvarbreytum er tað møguligt at knýta allar Føroyar í eitt samferðslukervi soleiðis, at tað bert tekur fáar minuttir at koma av útoyggj inn á meginøkið. Trygt, lætt og ómakaleyst í øllum veðri, allar árstíðir uttan avlýsingar og seinkingar orsakað av veðri. Tá kunnu fólk búgva á útoyggj og bert hava fáar minuttir til arbeiðis.

Metro er í dag í flestu størru býum í Europa, og er hetta ein burðardygg samferðsluloysn. Nú stórt fokus er á CO2 útlát, so er hetta ein loysn við lítlum CO2 útláti og minimalum viðlíkahaldi. Við eini undirsjóvarbreyt (metro) heldur enn undirsjóvartunlum til útoyggjarnar sleppa vit undan, at smáplássini óneyðugt verða fylt við bilum.

Vit skulu miða eftir at fáa eitt burðardygt, virkið, langtíðarætlað og kollektivt infrakervi. Somuleiðis eiga vit at hava sum mál at menna allar Føroyar – eisini útoyggjarnar – og gera tað, vit eru ment, fyri at tryggja vøkstur og trivna allastaðni, og at fólk kunnu búgva á útoyggj og arbeiða á meginøkinum. Eisini umvent um fólk búgva á meginøkinum, so kunnu tey lættari arbeiða á útoyggj.

Fyrsta undirgrundarbreytin varð gjørd í London í 1863, so nú er kanska tíð uppá, at vit í Føroyum, 160 ár seinni, fáa eina undirsjóvarbreyt (metro).

Á Løgtingi, 5. desember 2023
Elsebeth Mercedis Gunnleygsdóttur

Lýsing
Seinastu tíðindini
Herman Lindberg er farin, men ómetaliga…
Skúgvurin frá Einar´s Distillery - 5 ára…
Ólavsøkan byrjar í SMS
Ókeypis Familju­krókur hjá Føroya Pro Vit…
Stórfingin 20 ára jubileums­konsert
Ímóti Bodø/­Glimt vendu vit 0-3 til greið…
Havnarvág í 1874
Tríggir nýggir leikarar undir Mýruhjalla
Íslendsk skip velja MEST
Talvdystur á ólavsøku
Hornorkestrið á Skúlatrøð
Til minnist um Hugo Thomsen
Strandferðslan setir nú bíleggingar­skipa…
Fólka­flokku­rin hevur opið hús ólavsøkuaf…
Hans Pauli Olsen, Marius Olsen og Hjørdi…
Nógvir fjepparar í Malmø
Úr vøggu í grøv
Sangfagnaðarløta í Ebenezer
Minningarorð um Eivind Weyhe
Hann hevur lagt seinasta countrylagið á