Hyggja vit eftir fíggjarlógini fyri 2024, nú hon hevur verið til 2.viðgerð, kunnu vit staðfesta at lyfti til Mentanarhúsið í Fuglafirði heldur, ímeðan lyftið til Varpið er brotið.

Brotin lyftir – og politikkur

Ætlaði ikki at blanda meg í politik. Men tað fyrsta eg lærdi, táið eg kom á løgting var, at halda politiskar avtalur fyri ein hvønn prís.

At fíggjarmálaráðharrin ikki hevur avtalaða stuðulin í fíggjarlógini, tað skilji eg væl. Hon roynir at koma út við so positivum úrtsliti sum møguligt, og táið hon sær, at meirilutin í fíggjarnevndini eru búsitandi í Norðuroyggjum, so er hetta funnin frensur hjá henni. Limirnir í fíggjarnevndini skulu nokk koyra avtalaðu 5 mió kr uppá í millum 1. og 2. viðgerð.

Men eg kann bara staðfesta, at hetta ikki er gjørt.

At tosa um breiðar semjur og reformar, kann man gloyma alt um, um lyfti ikki verða hildin.

Vónandi verður hetta rættað áðrenn 3. viðgerð mánadagin, soleiðis at givin lyfti verða hildin.

Við ynski um eini gleðilig jól og Harrans signing.

Frimodt Rasmussen
Fyrrverandi løgtingslimur