Politikarar úr Norðoyggjum hava ført fram, at politisk semja hevur verið um, at landið letur 17 mió krónur í íløgustuðuli til Varpið. Higartil hevur landið goldið 12. mió krónur og er hetta nógv minni enn hvat løgtingið hevur latið til líknandi verkætlanir aðrastaðni. 

Og tá 2.viðgerð var samtykt herfyri, vóru tær írestandi 5. mió. krónurnar ikki játtaðar til Varpið. Men enn er vón, tí andstøðutinglimir hava latið eitt broytingaruppskot inn til 3. viðgerð, har 5 mió. krónur verða játtaðar til Varpið. 

Talan er um andstøðutingfólk úr Norðoyggjum - Beinir Johannesen, Elsebeth M. Gunnleygsdóttir, Árni Skaale og Steffan K. Poulsen. 

3. viðgerð av LM-017/2023 - Uppskot til løgtingsfíggjarlóg fyri 2024 verður mánadagin 18. desember. Løgtingsfundurin byrjar kl. 10