Lýsing
Lýsing
Lýsing
Mynd: Guðrun Sjúrðardóttir Steinberg

Veðrið um vikuskiftið

SKRIVAÐ: Hanus Kjølbro  |  29.12.2023 - 13:27 Tíðindi Veðrið

Ikki besta forsøgnin fyri hetta vikuskiftið. Í dag er veðrið heilt ok, men í morgin er nokkso keðiligt veður, og í ovurmorgin sera keðiligt veður, serliga tá ið havt verður í huga, at nógv fólk hava keypt fýrverk til at skjóta gamlaárkvøld.

Í dag er ættin norðan, vindferðin 5 til 10 m/s, í støðum upp í 13 m/s. Tað er samdrigið í erva, og okkurt ælið við vátakava ella kava er at síggja.

Høgættin liggur restina av degnum í dag, men vindurin fer at minka eitt sindur í kvøld, niður í 3 til 8 m/s. Annars fer loftið at síggja tað sama út sum nú, og okkurt kavaælið verður í støðum. Hitin í dag er ímillum frostmarkið og 4 hitastig.

Í nátt gongur hann niður í landnyrðing, og tað verður ættin allan morgin. Tað sama kann ikki sigast um vindin. Vindferðin fer at veksa úr 3 til 8 m/s á middegi upp í 10 til 15 m/s á midnátt í annaðkvøld.

So er tað skýloftið og avfallið í morgin. Um náttina og fyrrapartin samdrigið og bert okkurt ælið. Tá ið nakað er liðið á seinnapartin verða skýggini eitt sindur tyngri á at líta, og so fer at regna. Mest sunnanfyri – norðan helst bert ælaveður.

Hitin í morgin fer at veksa úr 1-2 stigum um morgunin upp í 6-7 stig um kvøldið.

So er tað sunnudagurin – seinasti dagurin í árinum. Um náttina sama veður sum seint kvøldið fyri, men fram ímóti morgni veksur vindurin upp í 13 til 18 m/s. Ættin enn landnyrðingur. Allan fyrrapartin samdrigið og regn.

Um middagin uppaftur meira vindur, 15 til 20 m/s av landnyrðingi og eystri, samdrigið og regn ella vátakavi. Út á seinnapartin minkandi vindur, men enn samdrigið og regn. Um kvøldið eru 10 til 15 m/s, samdrigið og regn.

Hitin árins seinasta dag millum 3 til 8 stig.     

Lýsing
Seinastu tíðindini
Ferðalag úr Lettlandi vitjaði Klaksvíkar…
Stangavegu­rin letur upp aftur
Kollafjarðar­tunnilin stongdur eina løtu
Vitlíki sum virkisstuðul í fíggjardeildu…
Leiðarin á Skálagarði frítstillað
Atlantis: Konsert við Jens Marna Hansen…
Megna Føroyar at vinna á Íslandi á heima…
Stuðuls­konsert, eydnuhjól og café
TARIRA enn eina frálíka konsert í Varpin…
Norð­oyastevnuteitið farið á flog
Tjóðlaða­rin úr Fuglafirði
Absalon Matras 80 ár
Mjølnir kvinnur umboða Føroyar
Juvel farin á trúboðaraferð til Grønland…
Lands­stýrið forðar fyri innovatión innan…
Skal samstarv millum almennar stovnar av…
Vinnulívs­fólk og eldsálir bygdu okkara l…
KÍ hongur í Víkingi og HB
Eg havi lært ongantíð at geva upp
Stóra tøkk til tykkum, sum hava latið MR…