Lýsing
Lýsing
Lýsing

Mjølnir favorittur at koma í sættu steypafinaluna á rað hjá monnum

SKRIVAÐ: Flogbóltssamband Føroya  |  08.02.2024 - 22:00 Ítrottur Tíðindi

Leygardagin verða hálvfinalurnar í steypakappingini spældar í Badmintonhøllini í Klaksvík, og tey flestu munnu rokna heimaliðið Mjølnir at vera greiðan favoritt ímóti havnarliðnum Fleyr. Kanska kunnu vit vænta heldur meira spenning í dystinum millum SÍ og ÍF, men sørvingar mugu kortini roknast at vera favorittar.

 


Bónus-kappingin, menn:

Leygardagin verða hálvfinalurnar í steypakappingini spældar í Badmintonhøllini í Klaksvík, og tey flestu munnu rokna heimaliðið Mjølnir at vera greiðan favoritt ímóti havnarliðnum Fleyr. Kanska kunnu vit vænta heldur meira spenning í dystinum millum SÍ og ÍF, men sørvingar mugu kortini roknast at vera favorittar.

SÍ – ÍF, kl. 15:00
Tvær ferðir hetta kappingarárið hava SÍ og ÍF spælt ímóti hvørjum øðrum – einaferð í landskappingini og eina ferð í bólkaspælinum í steypakappingini – og báðu ferð hava dystirnir verið fimmsettarar, við einum sigri til hvønn partin, so um tað kann brúkast sum barometur fyri, hvat væntast kann leygardagin, so eru útlit fyri einum rættiligum braki í Badmintonhøllini leygardagin.

Men spurningurin er hvussu eftirfarandi hatta barometrið er, tí eftir at ÍF legði fyri við at vinna á bæði SÍ og Mjølni í teimum báðum fyrstu dystunum í landskappingini, hevur ikki gingið eftir vild, og liðið er í løtuni nr. fýra í landskappingini og gjørdist eisini nr. fýra í bólkaspælinum í steypakappingini og hevur ikki rættiliga megnað at bjóða hinum av. Fyrstu dystirnar vóru útlendsku spælararnir ikki tøkir hjá Mjølni og SÍ, og tá vóru tey bæði munandi veikari, enn nú.

ÍF hevur seinasta árið verið nógv darvað av, at serbin Vukasin Nedeljkovic hevur sitið uttanfyri við skaða í knænum, men seinasta mánaðin hevur hann verið aftur á vøllinum. Tó hevur hann higartil spælt sum libero, fyri at spara knæið, men tað ljóðar úr Fuglafirði, at í hálvfinaluni fer hann aftur at spæla á kantinum, og tað styrkir munandi um ÍF-liðið, um hann er birgur at spæla á tí plássinum.

SÍ má tó smyrja seg við at verða útnevnt til favoritt leygardagin – um tað so er gott ella ringt. SÍ vann allar dystirnar í bólkaspælinum og er nummar tvey í landskappingini.  

 


Mjølnir – Fleyr, kl. 19:00
Mjølnir, sum hevur verið í steypafinaluni seinastu fimm ferðirnar og vunnið fýra ferðir, er greiður favorittur at koma í finaluna aftur í ár. Liðið er trygt á odda í landskappingini og hevur klassaleikarar á øllum plássum, sum eiga nógv av ovastu plássunum á hagtalslistanum fyri landskappingina; ikki minst á listanum fyri vunnar blokkar í hvørjum setti, har fýra Mjølnir-leikarar liggja ovast: Jóhan Arni Elisson Wang, Steffan Rosenlund, Bartlomiej Grzegorzewski og Páll Heðin í Grund.

Fyri bara fýra døgum síðan vann Mjølnir 3-0 (25-16, 25-23, 25-14) á Fleyr í Havn, so nógv skal verða øðrvísi, skal Fleyr veruliga hótta steypafinaluplássið hjá Mjølni leygardagin.

Fleyr hevur fingið síni stig ímóti Ternuni og ÍF, men hevur at kalla ikki megnað at givið Mjølni og SÍ veruliga mótstøðu.

Fulla skráin fyri hálvfinalurnar í Bónus-kappingini leygardagin 10. februar:
Kl. 13:00 Dráttur – Mjølnir, kvinnur
Kl. 15:00 SÍ – ÍF, menn
Kl. 17:00 SÍ – Fleyr, kvinnur
Kl. 19:00 Mjølnir – Fleyr, menn

Allir dystirnir verða vístir í Televarpinum.

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum