Lýsing
Lýsing
Lýsing
Archibald Black | Mynd: Dávur Winther

Uppskotið miðsavnar ræðið í Tórshavn

SKRIVAÐ: Jóhann Lützen  |  09.02.2024 - 11:00 Mentan Tíðindi Vinna

Uppskotið hjá landsstýrismanninum er stutt og greitt at miðsavna alt ræðið hjá føroysku bóndunum og jarðaeigarunum í Tórshavn og soleiðis taka rættindini frá teimum, sigur Archibald Black, bóndi á Myrkjanoyri við Norðlýsið

 

Archibald Black, bóndi á Myrkjanoyri (Biskupstøðgarðurin), heldur lítið um uppskotið hjá landsstýrismanninum um  “burðardygga ferðavinnu”.  Fyri tað fyrsta heldur hann, at tað er løgið, at eingin, ið hevur við landbúnað at gera, hevur verið við í arbeiðnum at snikka uppskotið saman.

Tað eru jú tey, ið fáast við landbúna, sum hava mest vitan og royndir á hesum øki. Uppskotið hjá landsstýrismanninum er stutt og greitt at miðsavna alt ræðið hjá føroysku bóndunum og jarðaeigarunum í Tórshavn og soleiðis taka rættindini frá teimum, sigur Archibald Black. 

 

Lokalar loysnir

Í Norðoyggjum kundi hetta verið loyst við, at eingin fór í fjøllini uttan fyrst at boða Kunningarstovuni frá. Greitt eigur at vera frá, hvar tú ætlar tær, og Kunningarstovan fær telefonnummarið. Hetta í samband við trygd og leiting. Bóndir og jarðareigarar kunnu á henda hátt boða Kunningarstovuni frá, hvar tú ikki kanst ganga, um menn eru á fjalli, greiður Archibald frá. 

 

Ikki merkt nógv til órógv

Trupulleikar hava annars ikki verið á Myrkjanoyri viðvíkjandi gongd í haganum. Flest fólk hava boðað frá, og einki órógv hevur verið í samband við fjallgongu ella annað. Hetta tí, at lógin jú er púra greið og hevur altíð verið vird av flestu føroyingum! Tó má nevnast, at síðani ferðavinnan tók dik á seg, hava útlendingar og ferðaløg ikki altíð boðað frá, og hevur hetta í ávísan mun órógvað fjallgongur. Onkuntíð hava heili trý ferðaløg verið í haganum, meðan fjallgonga er. Tá hevur verið neyðugt at avlýsa, tí fjallgongan varð órógvað. Hesi hava tá noktað at steðga við túrinum, tí tey hava hildið seg havt rætt til túrin og eru ikki kunnaði um annað!, sigur Archibald. 

 

Hvat inntøkum viðvíkur, er bert tikið gjald fyri skipaðar túrar eftir avtalu. Tá er frágreiðing, okkurt til matna og vitjan í smáttuni (Dreymsóljuni) íroknað. Økið kann ikki samanberast við tey mest vitjaðu økini, sum t.d. Trøllanes. Gøtan til Árnafjarðar og norðaru bygdirnar gongur gjøgnum hagan, og hevur hetta verið farleiðin, áðrenn vegasamband og tunlar komu fyrst í 1960’unum. Tað er ongantíð noktað fólki at ganga hesa farleið, sigur Archibald Black við Norðlýsið at enda

 

 

Lýsing
Seinastu tíðindini
Varpið fær tríggjar milliónir krónur
Nordic Music Camp í Føroyum
Atlantic Airways 36 mió. í avlopi í fjør
Á floti sunnanfyri í gjár
Meira hjálp frá lærlingum
Eldrahugni í Betesda
Atlantic Fair nærkast
Nær verða skaddu KÍ-leikarar­nir aftur?
Útistovuhagin: Lembingin byrjað
Ein øgiligur munur á viðferð
Gadus fór nýggjan túr í kvøld
Toppdystur í Klaksvík í kvøld
Varpið avhendað
Dragin til umvælingar í Danmark
Skrúvuguds­tænasta í Christians­kirkjuni
Gøtudals­tunnil, nú!
Áhugafelagið Spinnarríið hevur aðalfund
Fleiri ymisk skeið innan vitlíki
Góða gongdin hjá J&K Petersen heldur fra…
- Vit mugu virða ta gomlu søguna og tað…