Tað hevur ligið í kortunum leingi og nú kann tað staðfestast, at málverjin Nils Jonatan Johansson og Luc Kassi verða ikki partur av KÍ í ár. KÍ hevur tosað við Nils Jonatan, men Nils Jonatan hevur av familju og arbeiðsorsøkum takkað nei til KÍ.

KÍ er ikki liðugt at keypa inn. Ein málverji og ein miðverji kunnu væntast inn afturat. Síðani er tað ein møguleiki, at ein álopsleikari eisini kemur inn. Mest sannlíkt verður talan um útlendskar leikarar, hóast man ongantíð skal avskriva nakran møguleika.