Í miðvikuni fer tað eystureftir, og so kemur eitt hátrýst vestaneftir, sum fer at leggja seg yvir leiðirnar kring okkum. Í hátrýstveðri er vanliga lítil vindur og lítið avfall, og tað kunnu vit eisini rokna við hesa vikuna.

Veðrið í vikuni – dag fyri dag:

Mánadag:

Lot til frískt lot av landsynningi, 3 til 8 m/s, smáskýggjað og ælaveður. Fyrra partin lækkar hann niður í sunnan og minkar vindin niður í eitt lítið lot, minni enn 5 m/s. Seinnapartin og frameftir er eitt lítið lot sunnan, skiftandi skýloft og ælaveður við regni ella vátakava, Hitin 2 til 7 stig.  

Týsdag:

Lítið lot av ymsum ættum, minni enn 5 m/s, smáskýggjað og ælaveður við regni ella vátakava. Um kvøldið lotmtil frískt lot av útnyrðingi, 3 til 8 m/s, smáskýggjað og yvirhøvur turt. Hitin 3 til 8 stig.

Mikudag:

Lot til frískt lot av útnyrðingi og norði, 3 til 8 m/s, í støðum upp í frískan vind, 10 m/s, smáskýggjað og ælaveður við regni ella vátakava. Hitin 1 til 5 stig.

Hósdag:

Lítið lot av norði niður í eystan, minni enn 5 m/s, skiftandi skýloft og yvirhøvur turt. Hitin úr frostmarkinum upp í 5 stig.

Fríggjadag:

Lítið lot millum eystan og sunnan, minni enn 5 m/s, skiftandi skýloft og yvirhøvur turt. Hitin millum frostmarkið og 5 hitastig.