Tey flestu av teimum er ikki djúp og hava ikki illveður við sær, men tað er bit í einum, sum fer framvið týsdagin.

Veðrið fer at vera nokkso skiftandi her í Føroyum, og vit fara at hava næstan allar ættir. Lágtrýstini hava, sum tey plaga, brúgvaløg við avfalli við sær – fyri tað mesta regn – men tað verað løtur við vátakava ella kava.

Mánadag:

5 til 10 m/ sunnan, skiftandi skýloft og ælaveður. Seinnapartin veksur vindurin upp í 8 til 13 m/s.  Um kvøldið gongur hann eysturum til landsynning og veksur vindin upp í 10 til 15 m/s, samdrigið og regn. Um náttin minkar niður í 5 til 10 m/s, framvegis samdrigið men ælaveður. Hitin 5 til 10 stig.

Týsdag:

Eina løtu um morgunin 5 til 10 m/s sunnan, samdrigið og regn ella ælaveður, men út á fyrrapartin støkkur hann upp í vestan, og veksur upp í 13 til 18 m/s, í støðum 20 m/s. Sami vindur og sama skýloft og avfall allan seinnapartin. Fram ímóti kvøldið minkar hann spakuliga, og tað verður klárari. Á midnátt eru 8 til 13 m/s, ættin er farin niður í útsynning, skýloftið er smáskýggjað og yvirhøvur turt. Um náttin kunnu vit vænta vátakava- ella kavaæl. Hitin upp í 7 stig um dagin; niður í 2 stig um náttina.

Mikudag:

5 til 10 m/s av útsynningi, smáskýggjað og æl við vátakava ella kava. Seinnapartin lækkar hann niður í sunnan, og um kvøldið gongur hann upp í landsynning. Veðrið annars tað sama sum um fyrrapartin. Um náttina fer ættin upp í eystan, og vindurin minkar niður í eitt lítið lot – t.e. minni enn 5 m/s – klárt ella smáskýggjað og yvirhøvur turt. Hitin 3 til 8 stig.  

Hósdag:

Lítið lot eystan – minni enn 5 m/s – smáskýggjað og yvirhøvur turt. Seinnapartin og frameftir eitt sindur meira vindur eystaneftir, um 3 til 8 m/s, hálv- ella smáskýggjað og okkurt ælið. Hitin 4 til 8 stig.

Fríggjadag:

Veksandi vindur fyrrapartin úr 3 til 8 m/s eystan upp í 10 til 15 m/s av landnyrðingi. Um kvøldið fer hann upp í norðan. Fyrrapartin smá- ella hálvskýggjað og regn ella ælaveður, men út á dagin eitt sindur kl