Fyrsti partur av føroysku luttøkuni hjá mannslandsliðnum í Silver League verður í vikuskiftinum í Íslandi. Her skulu føroysku mennirnir fyrst leika ímóti Íslandi. Hesin dystyurin verður fríggjakvøldið kl. 19.00 føroyska tíð.

Hin dysturin á hesi ferðini verður ímóti Ísrael. Hesin dysturin verður leygardagin kl. 15.00 føroyska tíð.

Sunnudagin leika Ísland og Ísrael. Av trygdaráðum, hevur Íslendska flogbóltssambandi - BLÍ - saman við íslendskum myndugleikum gjørt av, at dystirnir hjá Ísrael verða uttan áskoðara.

Næsta umfarið hjá føroysku monnunum veður í Føroyum 24. - 26. mai í høllini á Hálsi í Havn. Her leika mennirnir aftur ímóti Íslandi fríggjadagin 24. mai og ímóti Eysturríki 26. mai.

Síðsta umfarið verður í Eysturríki, har mennirnir 7. og 8. juni skulu leika ímóti Eysturríki og Ísrael.

Tvey tey fremstu liðini í bólkinum leika síðani finalu hin 15. juni.

Føroyski venjarin, Boban Ilic og hjálparvenjarin Oleksandr Dmytriiev hava úttikið hendan brutto hópin til øll trí umførini:

• Thorvald Danielsen (6), Mjølnir
• Vuk Ilic (9), ÍF
• Filip Ilic (5), ÍF
• Bjarni Joensen (14), Ikast KFUM
• Jóhan Arni Elison Want (11), Mjølnir
• Hjørtur Joensen (4), SÍ
• Ingálvur Eyðunsson Olsen (10), Fleyr
• Hákun Nón (1), ÍF
• Tóki í Haraldssovu (12), SÍ
• Elias Ellingsgaard Petersen (7), SÍ
• Tórður Højsted Gunnarsson (16), Fleyr
• Ólavur Johannesen (2), Mjølnir
• Símun Hoydal Poulsen (13), Mjølnir
• Silas Poulsen (8), SÍ
• Áslakur Petersson Holm (15), Hvidovre VK
• Hákun Heinason (3), Amager VK