KÍ er seks stig aftanfyri Víking og HB og eftir hendan dystin hevur KÍ bara ein innanhýsis dyst eftir móti teimum. Tí er hetta síðsta útkall. Eitt tap hjá KÍ ger, at KÍ er endaliga úti av meistrastríðnum 2024, meðan ein sigur ger, at KÍ varðveitir ein møguleika at spæla við um FM í heyst.

Hjá KÍ eru nógvir skaðar og nógv leikbann. Cedric Yambere, Ahmed Latif og Jákup N. Vilhelmsen hava leikbann. Odmar Færø, Heini Vatnsdal, Jákup B. Andreasen, Hallur Hansson, Mads Bo Mikkelsen, Jonn Johannessen og Jóhan Josephsen eru skaddir. Síðani er ivamál um Patrick Da Silva, Børga Petersen, Albert Ejupi og René S. Joensen, sum allir antin ikki spældu ella fór út seinast. Alexander Berntsson hevur fingið síni loyvið uppá pláss nú, men hevur ikki spælt dyst í meir enn hálvt ár, so ivasamt er, um hann kann byrja ella spæla heilan dyst. Onkrir av hesum síðstu nevndu væntast at spæla frá byrjan.

Hjá HB eru Bartal Wardum og Emmanuel Duah skaddir, meðan Magnus Holm Jacobsen neyvan heldur er klárur til størri leiklut enn sum innskiftari.

Dysturin í Gundadali byrjar kl. 17.00. Dómari verður Jóhan Hendrik Ellefsen.