Tveir teirra eru úr Klaksvík, Leivur Øregaard, sum hevur staðið í læru umborð Norrøna og Seth Nystrøm Hansen, sum hevur staðið í læru á Hotel Brandan.

Preben Holmsund, ið er ættaður úr Suðuroy, hevur eisini lært umborð á Norrønu. 

Lærumeistarin ella -skúlin hevur verið Tech Collage í Ålborg, har nógvar ástøðis- og verkfrálæringar hava verið í lærutíðini.

Teir skuldu upp í muntligur, skrivligum og verkligum royndum - og sum kent er frá slíkum kappingum í sjónvarpinum, er kappingin/royndin hørð.

Tí er tað hugaligt, at hesum ungu røsku monnum hevur gingið frágera væl. Onkur hevur enntá verið rátt til eisini at taka útbúgving sum slagtari afturat, tí útbúgvingarnar liggja so nær hvørji aðri og eru teimum gagnilgar afturat kokkaútbúgvingini.

Onkur teirra hevur byrjað læru- ella starvsleið sína á TSK í Klaksvík.

Tá ið hotell nú er í umbúnað í Klaksvík, kann væl verða, at vit hitta hesar røsku og fittu kokkum aftur í Klaksvík onkuntíð!

Ikki tí, tað standa teimum mong spennandi arbeiði í boði. 

Til lukku tit tríggir, røsku ungu menn - við ynski um góða eydnu!