Lýsing
Lýsing
Líggjas 1:53.14 og gull í 200 frí á NMU 2024
Líggjas Joensen (2008, Ægir) megnaði fyri løtu síðani at vinna sær norðurlendskt gull í 200 metra frísvimjing á langgeil, tá ið hann á Norðurlendsku Meistarastevnuni fyri Ung 2024 svam seg til úrslitið 1:53.14.
Her var eingin slingur í valsinum, líka undantikið at danski Sigurd S. Kristensen og estiski Karl Vilson úti á uttargeilini førdu aftaná fyrstu 50, Sigurd við 26.86 og Karl við 26.90, har Líggjas splittaði við 27.03.
Síðani var tað Líggjas fyri rest – 27.03 við 50, 55.68 (28.65) við 100, 1:24.92 (29.24) við 150 og 1:53.14 (28.22) og gull við 200. Troy Sevonen úr Svøríki vann silvur við 1:56.81 og Magnús Viðir Jónsson úr Íslandi bronsu við 1:57.62
Seinastu tíðindini