Lýsing
Lýsing
Lýsing

KJ umvælt dekskrana umborð á Polar Princess

SKRIVAÐ: Jóhann Lützen  |  22.07.2024 - 17:09 Tíðindi Vinna

Fríggjadagin umvældu mekanikarar hjá KJ dekskranan umborð á Grønlendska skipinum Polar Princess.  Polar Princess er heimahoyrandi í Nuuk og tað er Polar Seafood í Grønlandi sum eigur skipið. Stutt um skipið kann sigast at tað er bygt á Orskov Yard í Fredrikshavn í Danmark í 2000, og tað er 87m langt, 15m breitt og hevur eina bruttotonasju á 3787 tons.

 

 
Polar Princess kom inn á Kollafjørð frá fiskiskapi fríggjamorgunin 19. juli, og síðani skuldi berast skjótt at við umvælingini. Svingkransurin og svinggearini skuldu skiftast á dekskrananum, og tí var neyðugt at lyfta tons 12 tons tunga dekskranan av pedistalinum ímeðan arbeiðið varð gjørt. Hetta varð gjørt við tveimum stórum Palfinger kranum. Ein triðji Palfinger krani varð brúktur til at lyfta svingkransin og aðra útgerð umborð. Umframt hetta var vóru allir ventilar á dekskrananum skiftir og annað viðlíkahald eisini framt umborð á skipinum. 

Bogi Johannesen, eftirlitsmaður hjá Polar Seafood, sigur, at “arbeiðið gekk sera væl, og vit eru sera væl nøgdir við tænastuna frá KJ. Tað tók áleið 10 tímar at umvæla dekskranan, og skipið loysti av Kollafirði áleið k. 19:00 fríggjakvøldið.” 

KJ hevur eitt álítandi toymi av dugnaligum mekanikarum, ið eru klárir alt samdøgrið, veri tað seg viðlíkahald ella umvæling av mekaniskari ella hydrauliskari útgerð ella skipanum. Felagið hevur eisini eitt toymi av góðkendum sýnsfólkum, ið kunnu sýna bæði bjargingarbátar, davidar og kranar. 

Sí fleiri myndir her.

Lýsing
Seinastu tíðindini
Innskriving til 1. flokk komandi skúlaár
Sløkkiliðsleiða­rin: - Ein ótrúlig væta
Styrktur Ríkisfelagsskapur
KÍF á triðjaplássi eftir sigur á Mjølni…
Javnleikur í toppdysti
Útsynningur alla vikuna
Sera ring koyrilíkindi
Stjørnan í hálvfinaluni í steypakappingi…
Hesa ferð vann ÍF fimmsettaran á Fleyr -
Hetta er venjaratoymið hjá KÍ í 2025
Hvørja støðu velja vit at taka?
Mjølnir - KÍF kl. 16.00
Evangeliskt sangmøti í Hermon í Norðdepl…
Kom og Spæl Føroyskt
Føroyar mugu fáa størri sjálvræði
Ein góður túrur á floti í gjár
Ósemju­nevnd til hvat?
Hvørjar Føroyar?
Burðatalið vaks í 2024 - og fleiri nýføð…
Stór ráðstevna um ítrótt: Frá spælandi b…